കൊളംബോ: മുൻ ശ്രീലങ്കൻ ക്രിക്കറ്ററും രാജ്യാന്തര അമ്പയറുമായ കുമാർ ധർമേസനയ്ക്കെതിരെ അശ്ലീല വീഡിയോ കോൾ ആരോപണം.
യുവതിയുമായുള്ള വാട്സ്ആപ്പ് വീഡിയോ കോളിൽ ധർമസേന നഗ്നനായി പ്രത്യക്ഷപ്പെടുന്ന തരത്തിലുള്ള ദൃശ്യങ്ങൾ സാമൂഹ്യമാധ്യമങ്ങളിലൂടെ പ്രചരിച്ചു. എന്നാൽ ഈ വീഡിയോ സത്യമാണോ എന്നതിൽ സ്ഥിരീകരണം വന്നിട്ടില്ല.
ഓഗസ്റ്റ് 25-നാണ് ധർമസേനയുടേതെന്ന പേരിലുള്ള വീഡിയോ ഇന്റർനെറ്റിൽ പ്രത്യക്ഷപ്പെടുന്നത്. സംഭവത്തെപ്പറ്റി ധർമസേനയോ ശ്രീലങ്കൻ ക്രിക്കറ്റ് അധികൃതരോ ഔദ്യോഗിക പ്രതികരണമൊന്നും നടത്തിയിട്ടില്ല. വീഡിയോയുടെ സത്യാവസ്ഥ തെളിയാത്തതിനാൽ മറ്റ് നടപടികളിലേക്ക് പോലീസും കടന്നിട്ടില്ല.
1996-ൽ ഏകദിന ലോകകപ്പ് നേടിയ ടീമിൽ അംഗമായിരുന്നു ധർമസേന. 1993 മുതൽ 2004 വരെ ശ്രീലങ്കൻ ടീമിലെ ഓൾറൗണ്ടറായിരുന്ന ധർമസേന 2009 മുതലാണ് രാജ്യാന്തര മത്സരങ്ങളിൽ അമ്പയറായത്. 2015, 2019 ഏകദിന ലോകകപ്പ് ഫൈനലുകളും 2016, 2022 ട്വന്റി-20 ലോകകപ്പ് ഫൈനലുകളും നിയന്ത്രിച്ച വ്യക്തിയാണ് ധർമസേന.
ശ്രീലങ്കൻ അമ്പയർ കുമാർ ധർമസേനയ്ക്കെതിരെ അശ്ലീല വീഡിയോ കോൾ ആരോപണം
09:05 PM Aug 30, 2023 | Deepika.com