കൊച്ചി: മുഖ്യമന്ത്രിയുടെ മകള് വീണാ വിജയനെതിരേയുള്ള ആരോപണത്തിലുറച്ച് മാത്യു കുഴല്നാടന് എംഎല്എ. കരിമണല് കമ്പനിയില്നിന്ന് വീണ വാങ്ങിയ 1.72 കോടി രൂപയ്ക്ക് ഐജിഎസ്ടി അടച്ചിട്ടില്ലെന്ന് തനിക്ക് ഉത്തമബോധ്യമുണ്ട്.
താന് പറഞ്ഞത് തെറ്റാണെന്ന് തെളിഞ്ഞാല് മാപ്പ് പറയാന് തയാറാണെന്നും സിപിഎം കേന്ദ്ര കമ്മിറ്റി അംഗം എ.കെ.ബാലന്റെ വെല്ലുവിളി സ്വീകരിച്ചുകൊണ്ട് എംഎല്എ പറഞ്ഞു.
ഇത് സംബന്ധിച്ച കണക്ക് പുറത്ത് വിടാന് താന് വെല്ലുവിളിക്കുകയാണ്. ഇതിന് അവര്ക്ക് എത്ര സമയം വേണമെന്ന് അറിയില്ല. ഒരു ദിവസം കൂടി കാത്തിരിക്കാന് താന് തയാറാണ്.
അതിന് ശേഷം താന് തന്റേതായ നിലയ്ക്ക് വീണ ഐജിഎസ്ടി അടച്ചിട്ടില്ലെന്ന് തെളിയിക്കാന് ശ്രമിക്കും. ഇക്കാര്യം തെളിഞ്ഞാല് മുഖ്യമന്ത്രിയുടെ മകള് മാസപ്പടി വാങ്ങിയെന്ന് സിപിഎം സെക്രട്ടറിയേറ്റ് സമ്മതിക്കുമോ എന്നും എംഎല്എ വെല്ലുവിളിച്ചു.
തെറ്റുപറ്റിയെന്ന് തെളിഞ്ഞാല് മാപ്പ് പറയും, മറിച്ചാണെങ്കില് മാസപ്പടി വാങ്ങല് സിപിഎം സമ്മതിക്കുമോ? : മാത്യു കുഴല്നാടന്
12:35 PM Aug 21, 2023 | Deepika.com