കൊച്ചി: സീറോ മലബാര്‍ മേജര്‍ ആര്‍ക്കി എപ്പിസ്‌കോപ്പല്‍ സഭയുടെ 31-ാമത് മെത്രാന്‍ സിനഡിന്‍റെ മൂന്നാം സമ്മേളനം ഇന്ന് സഭയുടെ ആസ്ഥാന കാര്യാലയമായ കാക്കനാട് മൗണ്ട് സെന്‍റ് തോമസില്‍ ആരംഭിക്കും.
രാവിലെ കോതമംഗലം രൂപത ബിഷപ് മാര്‍ ജോര്‍ജ് മഠത്തിക്കണ്ടത്തിലിന്‍റെ ധ്യാനചിന്തകളോടെ സിനഡ് സമ്മേളനം ആരംഭിക്കും. തുടര്‍ന്ന് സിനഡിലെ മെത്രാന്മാര്‍ ഒരുമിച്ച് അര്‍പ്പിക്കുന്ന വിശുദ്ധ കുര്‍ബാന. മേജര്‍ ആര്‍ച്ച്ബിഷപ് കര്‍ദിനാള്‍ മാര്‍ ജോര്‍ജ് ആലഞ്ചേരി സമ്മേളനം ഉദ്ഘാടനം ചെയ്യും.
ഇന്ത്യയിലും വിദേശത്തുമായി സേവനം ചെയ്യുന്നവരും അജപാലന ശുശ്രൂഷയില്‍നിന്ന് വിരമിച്ചവരുമായ 54 മെത്രാന്മാരാണ് സമ്മേളനത്തില്‍ പങ്കെടുക്കുന്നത്.
എറണാകുളം-അങ്കമാലി അതിരൂപതയ്ക്കുവേണ്ടി മാര്‍പാപ്പ നിയമിച്ച പൊന്തിഫിക്കല്‍ ഡെലഗേറ്റ് ആര്‍ച്ച്ബിഷപ് സിറില്‍ വാസില്‍ സിനഡിനെ അഭിസംബോധന ചെയ്ത് സംസാരിക്കും. സഭാംഗങ്ങളെല്ലാവരും സിനഡിന്‍റെ വിജയത്തിനായി പ്രാര്‍ഥിക്കണമെന്ന് മേജര്‍ ആര്‍ച്ച്ബിഷപ് അഭ്യര്‍ഥിച്ചു. സിനഡ് 26ന് സമാപിക്കും.
സീറോ മലബാര്‍ സിനഡ് ഇന്നു മുതല്‍ 26 വരെ
07:09 AM Aug 21, 2023 | Deepika.com