ഡബ്ലിൻ: അയർലൻഡിനെതിരായ ട്വന്റി-20 ക്രിക്കറ്റിൽ ഇന്ത്യക്ക് പരമ്പര. തുടർച്ചയായ രണ്ടാം മത്സരത്തിലും ജയിച്ച ഇന്ത്യ പരമ്പര സ്വന്തമാക്കി. 33 റൺസിനാണ് ഇന്ത്യയുടെ വിജയം. ഇന്ത്യ ഉയർത്തിയ 186 റൺസ് വിജയലക്ഷ്യം പിന്തുടർന്ന അയർലൻഡിന് എട്ട് വിക്കറ്റിൽ 152 റൺസ് എടുക്കാനെ സാധിച്ചുള്ളു.
നാല് ഓവറിൽ 15 റൺസ് മാത്രം വഴങ്ങി രണ്ട് വിക്കറ്റ് വീഴ്ത്തിയ നായകൻ ജസ്പ്രീത് ബുംറയാണ് ആതിഥേയരെ എറിഞ്ഞു വീഴ്ത്തിയത്. പ്രസിദ്ധ് കൃഷ്ണയും രവി ബിഷ്ണോയിയും രണ്ട് വിക്കറ്റ് വീതം വീഴ്ത്തി.
അർധ സെഞ്ചുറി നേടിയ ഓപ്പണർ ആൻഡി ബാൽബിർനി (72) മാത്രമാണ് അയർലൻഡ് നിരയിൽ പൊരുതിയത്. ഇന്ത്യക്കായി ഋതുരാജ് ഗെയ്ക്ക്വാദും (58) സഞ്ജു വി. സാംസണും (40) റിങ്കു സിംഗും (38) മികച്ച പ്രകടനം നടത്തി.
അയർലൻഡ് ട്വന്റി-20: ഇന്ത്യക്ക് പരമ്പര
11:27 PM Aug 20, 2023 | Deepika.com