തിരുവനന്തപുരം: ഓണത്തിന് തൊഴിലുറപ്പ് തൊഴിലാളികള്ക്കും സംസ്ഥാന സര്ക്കാര് ഉത്സവ ബത്ത പ്രഖ്യാപിച്ചു. ആയിരം രൂപയാണ് ഉത്സവബത്തയായി നല്കുന്നത്. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലും അയ്യങ്കാളി നഗര തൊഴിലുറപ്പ് പദ്ധതിയിലും 100 പ്രവൃത്തി ദിനങ്ങള് പൂര്ത്തിയാക്കിയ തൊഴിലാളികൾക്കാണ് ആനുകൂല്യം ലഭിക്കുക. ധനമന്ത്രി കെ.എന്. ബാലഗോപാല് ഫേസ്ബുക്കിലാണ് ഇക്കാര്യം അറിയിച്ചത്.
4.6 ലക്ഷം പേർക്ക് ആനുകൂല്യം ലഭിക്കും. ഇതിനായി 46 കോടി രൂപ ധനവകുപ്പ് അനുവദിച്ചതായും കെ എന് ബാലഗോപാല് അറിയിച്ചു. ഓണം പ്രമാണിച്ച് സര്ക്കാര് ജീവനക്കാര്ക്ക് 4000 രൂപയാണ് സംസ്ഥാന സര്ക്കാര് ബോണസ് പ്രഖ്യാപിച്ചത്.
ബോണസിന് അര്ഹത ഇല്ലാത്തവര്ക്ക് ഉത്സവബത്തയായി 2750 രൂപയും പ്രഖ്യാപിച്ചിരുന്നു. ഓണം അഡ്വാന്സായി 20000 രൂപയാണ് സര്ക്കാര് ജീവനക്കാര്ക്ക് അനുവദിച്ചത്.
തൊഴിലുറപ്പ് തൊഴിലാളികള്ക്കും ആയിരം രൂപ ഉത്സവബത്ത
06:54 PM Aug 18, 2023 | Deepika.com