ലക്നോ: രാഹുൽ ഗാന്ധി അടുത്ത ലോക്സഭാ തെരഞ്ഞെടുപ്പിൽ അമേഠിയിൽനിന്നും മത്സരിക്കുമെന്ന് ഉത്തർപ്രദേശ് കോൺഗ്രസ് അധ്യക്ഷൻ അജയ് റായി. പ്രിയങ്ക ഗാന്ധിക്ക് ഉത്തർപ്രദേശിലെ ഏതു മണ്ഡലത്തിൽ നിന്നും മത്സരിക്കാമെന്നും പാർട്ടി സംസ്ഥാന അധ്യക്ഷനായി പുതുതായി ചുമതലയേറ്റ അജയ് റായി പറഞ്ഞു.
വയനാട് എംപിയായ രാഹുൽ ഗാന്ധി അമേഠിയിൽ മത്സരിക്കാൻ എത്തിയാൽ കേന്ദ്രമന്ത്രി സ്മൃതി ഇറാനിയുമായി നേരിട്ടുള്ള പോരിന് കളമൊരുങ്ങും. കഴിഞ്ഞ തവണ അമേഠിയിലും വയനാട്ടിലുമാണ് രാഹുൽ മത്സരിച്ചത്. എന്നാൽ അമേഠിയിൽ സ്മൃതി ഇറാനിയോട് രാഹുൽ പരാജയപ്പെട്ടിരുന്നു.
വാരാണസിയിൽ നരേന്ദ്ര മോദിക്കെതിരെ പ്രിയങ്ക ഗാന്ധി മത്സരിച്ചാൽ, അവരുടെ വിജയം ഉറപ്പാക്കാനായി പാർട്ടി പ്രവർത്തകർ തീവ്രശ്രമം നടത്തും. പ്രിയങ്ക ഗാന്ധി ഉത്തർപ്രദേശിലെ ഏതു മണ്ഡലത്തിൽനിന്ന് മത്സരിച്ചാലും വിജയം ഉറപ്പാണെന്നും അദ്ദേഹം പറഞ്ഞു.
പ്രിയങ്ക മോദിക്കെതിരെ,രാഹുൽ അമേഠിയിൽ: യുപി കോൺഗ്രസ് അധ്യക്ഷൻ
06:11 PM Aug 18, 2023 | Deepika.com