നെ​ടു​ങ്ക​ണ്ട​ത്ത് ഗൃ​ഹ​നാ​ഥ​ൻ വെ​ടി​യേ​റ്റു മ​രി​ച്ച സം​ഭ​വം: നായാട്ടുസംഘം അറസ്റ്റില്‍

ഇ​ടു​ക്കി: നെടുങ്കണ്ടത്ത് ഗൃഹനാഥന്‍ വെടിയേറ്റ് മരിച്ച സംഭവത്തില്‍ മൂന്നുപേര്‍ അറസ്റ്റില്‍. മാവടി സ്വദേശികളായ സജി, ബിനു, മുനിയറ സ്വദേശി വിനീഷ് എന്നിവരാണ് പിടിയിലായത്. പ്രതികള്‍ വന്യമൃഗത്തിന് വെടിവച്ചത് സണ്ണിക്ക് ഏൽക്കുകയായിരുന്നു.

നെ​ടു​ങ്ക​ണ്ട​ത്തി​ന് സ​മീ​പം മാ​വ​ടി ഇ​ന്ദി​രാ ന​ഗ​ര്‍ പ്ലാ​ക്ക​ല്‍ സ​ണ്ണി(57)​യാ​ണ് ചൊ​വ്വാ​ഴ്ച രാ​ത്രി 11.30 ഓ​ടെ വെ​ടി​യേ​റ്റ് മ​രി​ച്ച​ത്. വീ​ടി​നു​ള്ളി​ല്‍ ഉ​റ​ങ്ങാ​ന്‍ പോ​യ സ​ണ്ണി​യെ ഭാ​ര്യ​യാ​ണ് വെ​ടി​യേ​റ്റനി​ല​യി​ല്‍ ക​ണ്ടെ​ത്തി​യ​ത്.

ര​ണ്ടു മു​റി​ക​ളി​ലാ​ണ് സ​ണ്ണി​യും ഭാ​ര്യ​യും കി​ട​ന്നി​രു​ന്ന​ത്. സ്‌​ഫോ​ട​ന ശ​ബ്ദ​വും നി​ല​വി​ളി​യും കേ​ട്ട് ഭാ​ര്യ സി​നി മു​റി​യി​ലെ​ത്തി നോ​ക്കി​യ​പ്പോ​ള്‍ ര​ക്തം വാ​ര്‍​ന്ന നി​ല​യി​ല്‍ സ​ണ്ണി​യെ ക​ണ്ടെ​ത്തു​ക​യാ​യി​രു​ന്നു. ക​ട്ടി​ലി​ല്‍ ക​മി​ഴ്ന്നു കി​ട​ക്കു​ന്ന നി​ല​യി​ലാ​യി​രു​ന്നു മൃ​ത​ദേ​ഹം.

ഇ​വ​രു​ടെ നി​ല​വി​ളി കേ​ട്ട് എ​ത്തി​യ നാ​ട്ടു​കാ​ര്‍ നെ​ടു​ങ്ക​ണ്ടം പോ​ലീ​സി​ല്‍ വി​വ​രം അ​റി​യി​ച്ചു. ബു​ധ​നാ​ഴ്ച രാ​വി​ലെ ഫോ​റ​ന്‍​സി​ക് സം​ഘ​ത്തെ​യും വി​ര​ല​ട​യാ​ള വി​ദ​ഗ്ധരെ​യു​മെ​ത്തി​ച്ച് തെ​ളി​വു​ക​ള്‍ ശേ​ഖ​രി​ച്ച ശേ​ഷം ഇ​ന്‍​ക്വ​സ്റ്റ് ന​ട​ത്തിയിരുന്നു.

മു​ഖ​ത്തി​ന് വെ​ടി​യേ​റ്റ​താ​യി പ​രി​ശോ​ധ​ന​യി​ല്‍ ക​ണ്ടെ​ത്തി. കൈ​ക്കും ക​ഴു​ത്തി​നും പ​രി​ക്കു​ക​ളു​ണ്ടാ​യി​രു​ന്നു. ഇ​ടു​ക്കി മെ​ഡി​ക്ക​ല്‍ കോ​ള​ജി​ല്‍ ന​ട​ത്തി​യ പോ​സ്റ്റ്മോ​ര്‍​ട്ട​ത്തി​ല്‍ ത​ല​യി​ല്‍ വെ​ടി​യു​ണ്ട ക​ണ്ടെ​ത്തി. എ​ന്നാ​ല്‍ വീ​ട്ടി​ല്‍നി​ന്നും തോ​ക്ക് ക​ണ്ടെ​ത്താ​ന്‍ ക​ഴി​ഞ്ഞി​രുന്നില്ല.

തു​ട​ര്‍​ന്ന് പോ​ലീ​സ് ന​ട​ത്തി​യ വി​ശ​ദ​മാ​യ പ​രി​ശോ​ധ​ന​യി​ല്‍ അ​ടു​ക്ക​ള​യു​ടെ ക​ത​കി​ല്‍ വെ​ടി​യേ​റ്റ പാ​ടു​ക​ള്‍ ക​ണ്ടെ​ത്തി. ഇ​തി​ല്‍ ര​ണ്ടെ​ണ്ണം പ​ല​ക തു​ള​ച്ച് ക​ട​ന്നി​രു​ന്നു. ഇ​വ​യി​ലൊ​ന്നാ​കാം സ​ണ്ണി​യു​ടെ മു​ഖ​ത്തേ​റ്റ​തെ​ന്നാ​ണ് നി​ഗ​മ​നം.

ക​ട്ട​പ്പ​ന ഡി​വൈ​എ​സ്പി വി.​എ.​നി​ഷാ​ദ് മോ​ന്‍റെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം നടത്തിയത്.