കൊച്ചി: മാത്യു കുഴല്നാടന് എംഎല്എയുടെ കോതമംഗലത്തെ കുടുംബവീട്ടില് വെള്ളിയാഴ്ച സര്വേ നടത്താന് റവന്യു വകുപ്പിന്റെ തീരുമാനം.
കോതമംഗലം കടവൂര് വില്ലേജിലെ ഭൂമിയിലാണ് നടപടി. രാവിലെ 11ന് സര്വേ നടക്കുമെന്ന് താലൂക്ക് സര്വേയര് എംഎല്എയെ അറിയിക്കുകയായിരുന്നു. വിജിലന്സ് ആവശ്യപ്പെട്ടതനുസരിച്ചാണ് സര്വേ നടത്തുന്നതെന്നാണ് വിശദീകരണം.
എംഎല്എയുടെ വീട്ടിലേക്കുള്ള റോഡ് മണ്ണിട്ട് നികത്തി കെട്ടുന്നതിനേചൊല്ലി നേരത്തേ തര്ക്കമുണ്ടായിരുന്നു. ഇവിടെ അനധികൃതമായി ഭൂമി നികത്തിയെന്ന് ആരോപിച്ച് ചിലര് എംഎല്എക്കെതിരേ വിജിലന്സില് പരാതി നല്കിയിരുന്നു. ഈ പരാതിയില് അന്വേഷണം നടക്കുന്നതിനിടെയാണ് വിജിലന്സ് സര്വേ നടത്താന് റവന്യു വകുപ്പിന് നിര്ദേശം നല്കിയത്.
കുഴല്നാടന്റെ ചിന്നക്കനാലിലെ റിസോര്ട്ട് രാഷ്ട്രീയ വിഷയമായി സിപിഎം ഉയര്ത്തിക്കൊണ്ട് വരുന്നതിനിടെയാണ് കുടുംബവീട്ടില് സര്വേ നടത്താനുള്ള റവന്യു വകുപ്പിന്റെ തീരുമാനം.
മാത്യു കുഴല്നാടന്റെ കുടുംബവീട്ടില് വെള്ളിയാഴ്ച റവന്യു വകുപ്പ് സര്വേ
04:36 PM Aug 17, 2023 | Deepika.com