തിരുവനന്തപുരം: സംസ്ഥാനത്ത് ഓണം ബംപർ ലോട്ടറിക്ക് റിക്കാർഡ് വിൽപന. ജൂലൈ 27 ന് ടിക്കറ്റ് വിൽപന ആരംഭിച്ചതു മുതൽ ബുധനാഴ്ച വരെ വിറ്റത് 20.5 ലക്ഷം ടിക്കറ്റുകൾ.
കഴിഞ്ഞവർഷം ഇതേ കാലയളവിൽ വിറ്റത് 12.83 ലക്ഷം ടിക്കറ്റുകളാണ്. 25 കോടിയാണ് ഒന്നാം സമ്മാനം. രാജ്യത്ത് ഏറ്റവും ഉയർന്ന ലോട്ടറി സമ്മാനവും ഓണം ബംപറിന്റേതാണ്. 500 രൂപയാണ് ടിക്കറ്റ് വില.
പാലക്കാടാണ് ടിക്കറ്റ് വിൽപ്പനയിൽ മുന്നിൽ. രണ്ടാം സ്ഥാനത്ത് തിരുവനന്തപുരം. തൃശൂർ, എറണാകുളം, കോട്ടയം ജില്ലകൾ തൊട്ടുപിന്നിലുണ്ട്.
30 ലക്ഷം ടിക്കറ്റുകളാണ് ഇതുവരെ അച്ചടിച്ചത്. പരമാവധി 90 ലക്ഷം ടിക്കറ്റുവരെ അച്ചടിക്കാൻ അനുമതിയുണ്ട്.
ഓണം ബംപർ ലോട്ടറിക്ക് റിക്കാർഡ് വിൽപന
08:40 AM Aug 17, 2023 | Deepika.com