തിരുവനന്തപുരം: സംസ്ഥാന സ്കൂൾ കലോത്സവം ജനുവരിയിൽ കൊല്ലത്ത് നടത്തുന്നതിനു അധ്യാപക സംഘടനകളുടെ യോഗത്തിൽ ധാരണയായി. സംസ്ഥാന സ്കൂൾ കായിക മേള തൃശൂർ കുന്നംകുളത്തും സ്പെഷൽ സ്കൂൾ മേള എറണാകുളത്തും ശാസ്ത്രമേള തിരുവനന്തപുരത്തും സംഘടിപ്പിക്കും.
ടിടിഐ കലോത്സവം പാലക്കാട് ആയിരിക്കും സംഘടിപ്പിക്കുക. ഇതുപ്രകാരം എല്ലാ സ്കൂൾ മേളകൾക്കുമുള്ള അധ്യാപക സംഘടനകളുടെ ചുമതലയും നിശ്ചയിച്ചു. സ്കൂൾ, സബ്ജില്ലാ തല മേളകൾ ഒക്ടോബറിനകം പൂർത്തിയാക്കും. ജില്ലാതല മേള ഡിസംബർ ആദ്യ വാരത്തിനകം പൂർത്തിയാക്കണം.
സംസ്ഥാനതല മേളകൾ സ്കൂൾ വിദ്യാഭ്യാസ കലണ്ടറിൽ പ്രസിദ്ധീകരിച്ചതിൽനിന്ന് നേരിയമാറ്റമുണ്ടാകും. തീയതികളും വിശദാംശങ്ങളും പൊതുവിദ്യാഭ്യാസ മന്ത്രി വി. ശിവൻകുട്ടി പിന്നീട് പ്രഖ്യാപിക്കും.
സ്കൂള് കലോത്സവം കൊല്ലത്ത്; കായികമേള കുന്നംകുളത്ത്
09:48 PM Aug 16, 2023 | Deepika.com