തിരുവനന്തപുരം: കെഎസ്ആർടിസി ജീവനക്കാർക്ക് അടുത്തയാഴ്ച ജൂലൈ മാസത്തെ ശമ്പളം പൂർണമായി നൽകുമെന്ന് ധനമന്ത്രി കെ.എൻ. ബാലഗോപാൽ. ധന, ഗതാഗത, തൊഴിൽ മന്ത്രിമാരുമായി തൊഴിലാളി സംഘടനകൾ നടത്തിയ ചർച്ചയിലാണ് ബാലഗോപാൽ ഇക്കാര്യം അറിയിച്ചത്.
ഓണം അലവൻസ് പരിഗണനയിലാണെന്നും ധനമന്ത്രി പറഞ്ഞു. ശമ്പളം നൽകുന്നതിനുള്ള സഹായം ധനവകുപ്പ് നൽകുമെന്നും മന്ത്രി യോഗത്തിൽ അറിയിച്ചു. ഒറ്റത്തവണയായി തന്നെ എല്ലാ മാസവും ശമ്പളം നൽകണമെന്നാണ് സംഘടനകൾ യോഗത്തിൽ ആവശ്യപ്പെട്ടത്.
കെഎസ്ആർടിസി ജീവനക്കാർക്ക് ഓണത്തിന് മുൻപ് ശമ്പളം നൽകണമെന്ന് ഹൈക്കോടതി നിർദേശം നൽകിയിരുന്നു. ഓണത്തിന് മുമ്പ് ജൂലൈയിലെ ശമ്പളം മുഴുവൻ നൽകണമെന്നാണ് കോടതി നിർദേശം. ജൂലൈ മാസത്തെ പെൻഷനും ഉടൻ നൽകണമെന്ന് കോടതി വ്യക്തമാക്കി. കെഎസ്ആര്ടിസിയിലെ ശമ്പളം മുടങ്ങുന്നത് ചോദ്യം ചെയ്ത് നല്കിയ ഹര്ജിയിലാണ് ഹൈക്കോടതിയുടെ നിര്ദേശം.
കെഎസ്ആർടിസി: അടുത്തയാഴ്ച ശമ്പളം പൂർണമായി നൽകുമെന്ന് ധനമന്ത്രി
07:40 PM Aug 16, 2023 | Deepika.com