ഹൈദരാബാദ്: ഇന്ത്യൻ ഫുട്ബോളിലെ എക്കാലത്തെയും മികച്ച താരങ്ങളിലൊരാളായ മുഹമ്മദ് ഹബീബ്(74) അന്തരിച്ചു. ഡിമൻഷ്യ, പാർക്കിൻസൺസ് രോഗങ്ങൾ ബാധിച്ച് ഏറെനാളായി ചികിത്സയിലായിരുന്നു.
1965 മുതൽ 1976 വരെ ദേശീയ കുപ്പായം അണിഞ്ഞ ഹബീബ് 1970-ലെ ബാങ്കോക്ക് ഏഷ്യൻ ഗെയിംസിൽ വെങ്കല മെഡൽ നേടിയ ടീമിലും അംഗമായിരുന്നു.
ഹൈദരാബാദിലെ സിറ്റി കോളജിൽ നിന്ന് ഫുട്ബോൾ ജീവിതം ആരംഭിച്ച ഹബീബ് ഈസ്റ്റ് ബംഗാളിനൊപ്പം കോൽക്കത്തയിലെയും രാജ്യത്തെയും പ്രമുഖ ട്രോഫികളെല്ലാം സ്വന്തമാക്കി. മോഹൻ ബഗാൻ, മുഹമ്മദൻ സ്പോർടിംഗ്, ഈസ്റ്റ് ബംഗാൾ എന്നീ മുന്ന് കോൽക്കത്ത വമ്പന്മാരെയും നയിച്ച നായകനെന്ന ഖ്യാതിയും ഹബീബിനുണ്ട്.
ഇന്ത്യൻ ഫുട്ബോൾ ഇതിഹാസം മുഹമ്മദ് ഹബീബ് അന്തരിച്ചു
11:20 PM Aug 15, 2023 | Deepika.com