കോട്ടയം: പൂവൻതുരുത്തിലെ ഇൻഡസ്ട്രിയൽ എസ്റ്റേറ്റിൽ മരിച്ച നിലയിൽ കണ്ടെത്തിയ ഇതര സംസ്ഥാന തൊഴിലാളിയുടെ മൃതദേഹം പോസ്റ്റുമോർട്ടത്തിനുശേഷം വിട്ടുനല്കി. ന്യുമോണിയ ബാധിച്ചാണു മരിച്ചതെന്നാണു പോലീസിന്റെ പ്രാഥമിക നിഗമനം.
സംഭവത്തിൽ കോട്ടയം ഈസ്റ്റ് പോലീസ് കേസെടുത്ത് അന്വേഷണം ആരംഭിച്ചു. ശനിയാഴ്ച രാത്രിയിലാണു അസം സ്വദേശിയും പൂവൻതുരുത്ത് ഇൻഡസ്ട്രിയൽ എസ്റ്റേറ്റിലെ തൊഴിലാളിയുമായ ഗോവിന്ദി (19)നെ മരിച്ച നിലയിൽ ജില്ലാ ജനറൽ ആശുപത്രിയിൽ എത്തിച്ചത്. ഇയാൾക്കൊപ്പമുണ്ടായിരുന്ന തൊഴിലാളികൾ ജോലി കഴിഞ്ഞു താമസ സ്ഥലത്ത് എത്തുന്പോൾ ഗോവിന്ദിനെ മരിച്ചനിലയിൽ കണ്ടെത്തുകയും തുടർന്നു ഇവർ ആശുപത്രിയിൽ എത്തിക്കുകയുമായിരുന്നു. വിശദമായ പോസ്റ്റുമോർട്ടം റിപ്പോർട്ട് കിട്ടിയെങ്കിൽ മാത്രമേ മരണ കാരണം വ്യക്തമാവുകയോള്ളുവെന്നു പോലീസ് പറഞ്ഞു.
ഇതരസംസ്ഥാന തൊഴിലാളിയുടെ മരണം ന്യുമോണിയ ബാധിച്ചെന്നു സംശയം
11:57 PM Oct 15, 2017 | Deepika.com