തൃശൂർ: ഇന്ധന നികുതിയും ജിഎസ്ടിയിലാക്കേണ്ടതാണെന്നു കേന്ദ്ര പെട്രോളിയം മന്ത്രി ധർമേന്ദ്ര പ്രധാൻ. ഇന്ധന നികുതി ജിഎസ്ടി കൗണ്സിലിനു കീഴിലാക്കണമെന്നു വീണ്ടും ആവശ്യപ്പെടുമെന്നും അദ്ദേഹം പറഞ്ഞു.
ജിഎസ്ടി കൗണ്സിലിൽ എല്ലാ സംസ്ഥാനങ്ങളുടെയും പ്രതിനിധികളുണ്ട്. എന്നാൽ, നിലവിലെ വരുമാനത്തിൽ കുറവു വരുമെന്നതിനാൽ ഇക്കാര്യത്തിൽ അനുകൂല സമീപനമല്ല സംസ്ഥാനങ്ങൾക്കുള്ളത്. ഇന്ധന നികുതിയുടെ നല്ലൊരു വിഹിതം സംസ്ഥാനങ്ങൾക്കു ലഭിക്കുന്നുണ്ട്. അതിനാൽ നികുതി കുറച്ചു പെട്രോൾ വില കുറയ്ക്കാൻ സംസ്ഥാന സർക്കാരുകൾക്കു കഴിയും. കേരളത്തിൽ വാറ്റ് 26 ശതമാനമായിരുന്നത് ഇപ്പോൾ 34 ശതമാനമായി കൂട്ടി. നികുതി കുറയ്ക്കുന്ന കാര്യത്തിൽ സംസ്ഥാനങ്ങൾക്ക് ഉചിത തീരുമാനമെടുക്കാനുള്ള അവകാശമുണ്ട് - അദ്ദേഹം പറഞ്ഞു.
ഇന്ധന നികുതി ജിഎസ്ടിയിലാക്കണം: കേന്ദ്രമന്ത്രി പ്രധാൻ
01:57 AM Sep 27, 2017 | Deepika.com