മലപ്പുറം: സംഘപരിവാർ സമീപനങ്ങളെ തൃപ്തിപ്പെടുത്തുന്ന രീതിയിലുള്ള നിലപാടുകളുമായാണു സംസ്ഥാന സർക്കാർ മുന്നോട്ടു പോകുന്നതെന്നു മുസ്ലിം ലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി എംപി. വടക്കേക്കര സംഭവവുമായി ബന്ധപ്പെട്ടു മലപ്പുറത്തു നടത്തിയ വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം.
വടക്കേക്കര വിഷയത്തിൽ ഐഎസ് വിരുദ്ധവും ഏകദൈവ വിശ്വാസത്തെ പ്രോത്സാഹിപ്പിക്കുന്നതും കേരളത്തിലെ മത സൗഹാർദത്തെ പ്രകീർത്തിക്കുന്നതുമായ ലഘുലേഖകളാണു വിസ്ഡം ഗ്ലോബൽ പ്രവർത്തകർ വിതരണം ചെയ്തിരുന്നത്. ഈ വിഷയത്തിലെ സത്യാവസ്ഥ അറിയാതെയാണ് പ്രവർത്തകർക്കെതിരെ സംഘപരിവാർ ആക്രമണം അഴിച്ചുവിട്ടത്. വിസ്ഡം ഗ്ലോബലിന്റെ പ്രവർത്തനങ്ങളെ അഭിനന്ദിച്ചു മന്ത്രിമാരും മുൻ സ്പീക്കറും ഉൾപ്പെടെയുള്ള സിപിഎം നേതാക്കളും സംസാരിച്ചിട്ടുണ്ട്-അദ്ദേഹം പറഞ്ഞു.
വിസ്ഡം ഗ്ലോബൽ പ്രവർത്തകരെ ആക്രമിച്ചത് യാഥാർഥ്യം അറിയാതെയെന്ന്
12:35 AM Aug 23, 2017 | Deepika.com