നെടുമ്പാശേരി: സംസ്ഥാന ഹജ്ജ് കമ്മിറ്റി വഴി ഈ വർഷം ഹജ്ജ് കർമം നിർവഹിക്കാൻ പുറപ്പെടുന്ന തീർഥാടകർ മടങ്ങിയെത്തുന്നതു നെടുമ്പാശേരി അന്താരാഷ്ട്ര വിമാനത്താവളത്തിലെ പുതിയ അന്താരാഷ്ട്ര ടെർമിനലായ ടി 3യിൽ. കഴിഞ്ഞ വർഷം ഹാജിമാരുടെ മടക്കയാത്രയ്ക്ക് ഇപ്പോൾ ഹജ്ജ് ക്യാന്പ് പ്രവർത്തിക്കുന്ന എയർക്രാഫ്റ്റ് മെയിന്റനൻസ് ഹാങ്കർ പ്രത്യേക ടെർമിനലായി പ്രവർത്തിക്കുകയായിരുന്നു.
എന്നാൽ, ഈ വർഷം തീർഥാടകരുടെ സൗകര്യത്തിനായി ടി 3യിൽ സിയാൽ പ്രത്യേക സൗകര്യമൊരുക്കും. ടി 3യിൽ വന്നിറങ്ങുന്ന ഹാജിമാർക്ക് അഞ്ചു ലിറ്റർ വീതം സംസം വെള്ളം അവിടെനിന്നു വിതരണംചെയ്യും. അവിടെ ഹാജിമാരെ സഹായിക്കാൻ ഹജ്ജ് കമ്മിറ്റിയുടെ നേതൃത്വത്തിൽ പ്രത്യേക വോളണ്ടിയർമാരെയും നിയോഗിക്കും.
ഹജ്ജ് തീർഥാടകർ ഈ വർഷം മടങ്ങിയെത്തുന്നത് ടെർമിനൽ ടി 3യിൽ
01:39 AM Aug 19, 2017 | Deepika.com