ചാലക്കുടി: നടൻ ദിലീപിന്‍റെ ഉടമസ്ഥതയിലുള്ള ഡി - സിനിമാസ് ഭൂമിയുടെ അളവെടുപ്പ് ഇന്നലെ പൂർത്തിയാക്കി. തൃശൂർ ജില്ലാ കളക്ടർക്ക് ഇതു സംബന്ധിച്ച റിപ്പോർട്ട് ഉടൻ നൽകുമെന്നു ജില്ലാ സർവേ സൂപ്രണ്ട് ആർ. ബാബു അറിയിച്ചു. തിയേറ്റർ നില്ക്കുന്ന സ്ഥലത്തു കൈയേറ്റം നടന്നിട്ടുണ്ടോ എന്ന് അറിയാനാണു ഭൂമി അളന്നത്.
റവന്യൂ മന്ത്രിയുടെ ഉത്തരവുപ്രകാരം ജില്ലാ കളക്ടർ നിർദേശിച്ചതനുസരിച്ചായിരുന്നു അളവ്. ഭൂമി കൈയേറ്റത്തെപ്പറ്റി ഉന്നതതല അന്വേഷണം വേണമെന്നു ലാൻഡ് റവന്യൂ കമ്മീഷണർ നേരത്തേ സർക്കാരിനെ അറിയിച്ചിരുന്നു.
മുനിസിപ്പൽ ചെയർപേഴ്സണ്‍ ഉഷ പരമേശ്വരൻ, വൈസ് ചെയർമാൻ വിൻസന്‍റ് പാണാട്ടുപറന്പിൽ, തഹസിൽദാർ പി.എസ്. മധുസൂദനൻ, ജില്ലാ സർവേയർ, മറ്റ് ഉദ്യോഗസ്ഥർ, നോട്ടീസ് അയച്ച വസ്തു ഉടമകൾ എന്നിവർ സർവേ സമയത്തു സന്നിഹിതരായിരുന്നു.
ഡി സിനിമാസ് ഭൂമി അളന്നു; റിപ്പോർട്ട് കളക്ടർക്കു നല്കും
01:32 AM Jul 28, 2017 | Deepika.com