കൊണ്ടോട്ടി:വാതിൽ പിടിക്കുള്ളിൽ ഒളിപ്പിച്ചു കടത്താൻ ശ്രമിച്ച 1.85 കിലോ സ്വർണം കരിപ്പൂർ വിമാനത്താവളത്തിൽ പിടികൂടി. വയനാട് പൂമല തണ്ടാരങ്ങൽ റഷീദി(34)ൽ നിന്നാണ് ഡിആർഐ സംഘം സ്വർണം പിടികൂടിയത്. അബുദാബിയിൽ നിന്ന് ഇത്തിഹാദ് വിമാനത്തിലാണ് റഷീദ് എത്തിയത്. രഹസ്യ വിവരത്തെത്തുടർന്നു കോഴിക്കോട്ടു നിന്നെത്തിയ ഡിആർഐ സംഘം ഇയാളെ തടഞ്ഞു നിർത്തി പരിശോധിക്കുകയായിരുന്നു.
റഷീദിന്റെ ബാഗിൽ അതിവിദഗ്ധമായാണ് സ്വർണം ഒളിപ്പിച്ചിരുന്നത്. പിടികൂടിയ സ്വർണത്തിന് 50 ലക്ഷം രൂപ വിലമതിക്കും. റഷീദ് സ്വർണക്കടത്തിന്റെ കാരിയറാണെന്ന് സംശയിക്കുന്നു.
കരിപ്പൂരിൽ അരക്കോടി രൂപയുടെ സ്വർണം പിടിച്ചു
01:05 AM Jul 23, 2017 | Deepika.com