തിരുവനന്തപുരം: സ്ത്രീപീഡന കേസിൽ അറസ്റ്റിലായ കോവളം എംഎൽഎ എം. വിൻ സെന്റിന്റെ രാജി ആവശ്യപ്പെട്ട് പ്രക്ഷോഭം സംഘടിപ്പിക്കാൻ എൽഡിഎഫ് തീരുമാനം. നാളെ രാവിലെ എൽഡിഎഫ് ജില്ലാ കമ്മിറ്റിയുടെ നേതൃത്വത്തിൽ സെക്രട്ടേറിയറ്റിലേക്ക് മാർച്ച് നടത്തി പ്രക്ഷോഭ പരിപാടികൾക്കു തുടക്കം കുറിക്കുമെന്ന് സിപിഎം തിരുവനന്തപുരം ജില്ലാ സെക്രട്ടറി ആനാവൂർ നാഗപ്പൻ പത്രസമ്മേളനത്തിൽ അറിയിച്ചു.
കേസ് ഒതുക്കിത്തീർക്കാനുള്ള ഗൂഢാലോചന എംഎൽഎയുടെ നേതൃത്വത്തിൽ നടക്കുന്നുണ്ട്. ഇത് പോലീസ് ഗൗരവമായി കാണണം. വിൻസെന്റ് എംഎൽഎ സ്ഥാനം രാജിവയ്ക്കുംവരെ എൽഡിഎഫ് പ്രക്ഷോഭം തുടരും. ഇക്കാര്യത്തിൽ വിൻസെന്റിനെ പിന്തുണയ്ക്കുന്ന കെപിസിസി പ്രസിഡന്റ് എം.എം ഹസന്റെ പ്രസ്താവന പൊതുസമൂഹം അംഗീകരിക്കില്ല. വിൻസെന്റിനോട് രാജി ആവശ്യപ്പെടാൻ കോണ്ഗ്രസ് പാർട്ടി തയാറാകണമെന്നും ആനാവൂർ നാഗപ്പൻ ആവശ്യപ്പെട്ടു.
ഇടതുമുന്നണിയുടെ സെക്രട്ടേറിയറ്റ് മാർച്ച് 24ന്
01:05 AM Jul 23, 2017 | Deepika.com