കൊച്ചി: നാവികസേനയുടെ പരിശീലനക്കപ്പലിലുണ്ടായ അപകടത്തിൽ സൈനികന്റെ കാൽപ്പാദം അറ്റു. ഐഎൻഎസ് ടിർ എന്ന കപ്പലിൽ ജോലിയിലേർപ്പെട്ടിരുന്ന അരുണ് ഹരിയുടെ (30) കണങ്കാലിനു താഴെയുള്ള ഭാഗമാണ് അറ്റുപോയത്. കപ്പലിന്റെ ബർത്തിംഗ് റോപ്പിൽ കാൽ കുടുങ്ങിയായിരുന്നു അപകടം. പരിശീലനത്തിനായി പോകുന്നതിന് കയർ അഴിക്കുന്നതിനിടെയുണ്ടായ ശക്തമായ കാറ്റിൽ കപ്പൽ ആടിയുലഞ്ഞപ്പോൾ അരുണിന്റെ കാലിൽ കുടുങ്ങുകയായിരുന്നു.
ഉടൻതന്നെ നാവികസേനയുടെ ആശുപത്രിയായ ഐഎൻഎച്ച്എസ് സഞ്ജീവനിയിലേക്ക് ഇയാളെ മാറ്റി. ആരോഗ്യനില തൃപ്തികരമാണെന്നും പാദം തുന്നിച്ചേർക്കാനുള്ള ശസ്ത്രക്രിയയ്ക്കു വേണ്ടി അമൃത ആശുപത്രിയിലേക്കു മാറ്റുമെന്നും നാവികസേന അധികൃതർ അറിയിച്ചു. കോട്ടയം ജില്ലക്കാരനാണ് അരുണ് ഹരി. സംഭവത്തെക്കുറിച്ചു നാവികസേന അന്വേഷണം പ്രഖ്യാപിച്ചു.
പരിശീലനക്കപ്പലിൽ നേവി ഉദ്യോഗസ്ഥന്റെ കാൽപാദമറ്റു
02:19 AM Jul 22, 2017 | Deepika.com