തിരുവനന്തപുരം: സൂപ്പർതാരം രജനികാന്ത് നായകനായ ജയിലർ എന്ന സിനിമയേയും ചിത്രത്തിൽ പ്രധാന കഥാപാത്രങ്ങളിലൊന്നിനെ അവതരിപ്പിക്കുന്ന വിനായകനേയും പ്രശംസിച്ച് മന്ത്രി വി.ശിവൻകുട്ടി.
ഈ ചിത്രത്തിന് നിരവധി മാനങ്ങളുണ്ടെന്നും കൊണ്ടാടപ്പെടേണ്ട ഒന്നാണെന്നും അഭിപ്രായപ്പെട്ട മന്ത്രി ഇത് വിനായകന്റെ സിനിമയാണെന്ന് പ്രശംസിക്കുകയും ചെയ്തു. ഫേസ്ബുക്കിലാണ് വിനായകനെ പ്രശംസിച്ചുകൊണ്ട് മന്ത്രി കുറിപ്പ് ഇട്ടത്.
രജനികാന്തും വിനായകനും അഭിമുഖം നിൽക്കുന്ന ചിത്രവും അദ്ദേഹം കുറിപ്പിനൊപ്പം ഷെയർ ചെയ്തിട്ടുണ്ട്.
നെൽസൺ സംവിധാനം ചെയ്ത ചിത്രത്തിൽ രജനിക്കൊപ്പം മോഹൻലാൽ, ശിവരാജ്കുമാർ, ജാക്കി ഷ്റോഫ്, രമ്യ കൃഷ്ണൻ, തമന്ന, യോഗി ബാബു എന്നിവരടക്കമുള്ള വലിയ താരനിരയാണ് ഉള്ളത്.
"ഇത് വിനായകന്റെ സിനിമ': ജയിലറിനെ പുകഴ്ത്തി മന്ത്രി ശിവൻകുട്ടി
12:51 PM Aug 12, 2023 | Deepika.com