ബംഗളൂരു: കള്ളപ്പണം വെളുപ്പിക്കല് കേസില് വിചാരണക്കോടതിയുടെ നടപടികള് കര്ണാടക ഹൈക്കോടതി സ്റ്റേ ചെയ്തു. ലഹരിക്കടത്ത് കേസില് പ്രതിയല്ലാത്തതിനാല് പ്രഥമദൃഷ്ട്യാ കള്ളപ്പണം വെളുപ്പിക്കല് കേസ് ബിനീഷിനെതിരേ നിലനില്ക്കില്ലെന്ന് ഹൈക്കോടതി നിരീക്ഷിച്ചു.
കര്ണാടക ഹൈക്കോടതി ജസ്റ്റീസ് ഹേമന്തിന്റേതാണ് ഇടക്കാല ഉത്തരവ്. ബിനീഷിനെതിരായ ഇഡിയുടെ കേസ് സ്റ്റേ ചെയ്തതോടെ ഹൈക്കോടതി വാദം അവസാനിക്കുന്നത് വരെ ബിനീഷിന് വിചാരണക്കോടതിയില് ഹാജരാകേണ്ടതില്ല.
നേരത്തേ, കേസില് നിന്ന് ഒഴിവാക്കണമെന്നാവശ്യപ്പെട്ട് ബിനീഷ് നല്കിയ വിടുതല് ഹര്ജി വിചാരണക്കോടതി തള്ളിയിരുന്നു.
കേസില് 2020 ഒക്ടോബര് 29നാണ് ബിനീഷ് കോടിയേരി അറസ്റ്റിലായത്. ഒരു വര്ഷത്തിന് ശേഷമാണ് കര്ശന ഉപാധികളോടെ ബിനീഷിന് കര്ണാടക ഹൈക്കോടതി ജാമ്യം അനുവദിച്ചത്.
ബിനീഷ് കോടിയേരിക്ക് ആശ്വാസം; വിചാരണക്കോടതിയുടെ നടപടികൾ സ്റ്റേ ചെയ്ത് കർണാടക ഹൈക്കോടതി
02:38 PM Aug 10, 2023 | Deepika.com