കൊച്ചി: കഴക്കൂട്ടം, ഇരുമ്പനം, ഉദയംപേരൂര്‍, അമ്പലമുകള്‍, കഞ്ചിക്കോട്, ചേളാരി പ്ലാന്‍റുകളിലെ എല്‍പിജി ട്രക്ക് ജീവനക്കാര്‍ നാളെ മുതല്‍ അനിശ്ചിതകാല പണിമുടക്കു നടത്തുമെന്നു ട്രേഡ് യൂണിയന്‍ കോ-ഓര്‍ഡിനേഷന്‍ ഭാരവാഹികള്‍ അറിയിച്ചു.
സേവന-വേതന വ്യവസ്ഥ പരിഷ്‌കരിക്കണമെന്നാവശ്യപ്പെട്ടു സംഘടനകള്‍ കഴിഞ്ഞ ഏഴു മാസമായി ലേബര്‍ കമ്മീഷണറുമായും അഡീഷണല്‍ ലേബര്‍ കമ്മീഷണറുമായും നടത്തിയ ചര്‍ച്ചകള്‍ പരാജയപ്പെട്ടതിനെത്തുടർന്നാണ് പണിമുടക്ക് നടത്തുന്നതെന്നു ഭാരവാഹികളായ എം. ഇബ്രാഹിം കുട്ടി (സിഐടിയു), സി.കെ. ഹരിദാസ് (ഐഎന്‍ടിയുസി), പട്ടം ശശിധരന്‍ (എഐടിയുസി), വി. ആര്‍. അശോകന്‍ (ബിഎംഎസ്) എന്നിവര്‍ പത്രക്കുറിപ്പില്‍ അറിയിച്ചു.
എല്‍പിജി ട്രക്ക് ജീവനക്കാർ നാളെമുതല്‍ പണിമുടക്കും
12:38 AM May 01, 2017 | Deepika.com