തിരുവനന്തപുരം: വൈദ്യുതി മന്ത്രി എം.എം. മണി നടത്തിയ പരാമർശം കൊണ്ടു സ്ത്രീകൾക്കുണ്ടായ അപമാനം അദ്ദേഹം ഖേദം പ്രകടിപ്പിച്ചതുകൊണ്ട് ഇല്ലാതാക്കാനാവില്ലെന്ന് ബിജെപി സംസ്ഥാന അധ്യക്ഷൻ കുമ്മനം രാജശേഖരൻ.
മന്ത്രി പദവി പോലെ ഉന്നതമായ സ്ഥാനത്തിരിക്കാൻ എം.എം. മണി അർഹനല്ലെന്നും കുമ്മനം പറഞ്ഞു. പൊമ്പിള ഒരുമൈ പ്രവർത്തകരെ അവഹേളിക്കുന്ന തരത്തിൽ പ്രസംഗിച്ച മണിക്കെതിരെ മഹിളാ മോർച്ച നടത്തിയ സെക്രട്ടറിയേറ്റ് മാർച്ച് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മണി അവഹേളനപരമായ പ്രസംഗം നടത്തുന്നത് ഇതാദ്യമല്ല. അതിനാൽ തന്നെ അദ്ദേഹത്തിന്റെ ഖേദപ്രകടനം അംഗീകരിക്കാനുമാകില്ല. പൊമ്പിള ഒരുമൈ പ്രവർത്തകർ നടത്തുന്ന സമരത്തിന് ബിജെപി എല്ലാ പിന്തുണയും വാഗ്ദാനം ചെയ്യുന്നതായും കുമ്മനം പറഞ്ഞു.
സ്ത്രീകൾക്കുണ്ടായ അപമാനം ഖേദം പ്രകടിപ്പിച്ചതുകൊണ്ട് ഇല്ലാതാക്കാനാവില്ല
01:50 AM Apr 25, 2017 | Deepika.com