പാലക്കാട്: അട്ടപ്പാടി കോട്ടമലയില് കാട്ടുപന്നിയുടെ ആക്രമണത്തില് ആദിവാസി സ്ത്രീക്ക് പരിക്ക്. ഷോളയൂര് പഞ്ചായത്തിലെ കോട്ടമല ഊരിലെ പൊന്നിക്കാണ് (61) പരിക്കേറ്റത്. ആക്രമണത്തില് ഇവരുടെ ഇടതുകൈ ഒടിഞ്ഞു.
വെള്ളമെടുക്കാന് പാത്രവുമായി പുഴയിലേക്ക് പോകുമ്പോഴാണ് പന്നി ആക്രമിച്ചത്. ചേമ്പിന് കൂട്ടത്തില് മറഞ്ഞ് നിന്നിരുന്ന പന്നി ഇവര്ക്ക് നേരേ ചാടുകയായിരുന്നു. കരച്ചില് കേട്ട് ഓടിയെത്തിയവര് ഇവരെ കോട്ടത്തറ ഗവ. ട്രൈബല് ആശുപത്രിയില് എത്തിച്ചു. പൊന്നിയുടെ ഇടതുകൈയിലെ എല്ല് പൊട്ടിയിട്ടുണ്ട്.
രണ്ട് മാസം മുന്പ് ഷോളയൂരില് കാട്ടുപന്നിയുടെ ആക്രമണത്തില് ആദിവാസി യുവാവ് കൊല്ലപ്പെട്ടിരുന്നു.
കാട്ടുപന്നി ആക്രമണം; ആദിവാസി സ്ത്രീക്ക് പരിക്ക്
10:00 AM Aug 03, 2023 | Deepika.com