മൂ​ന്നു​ദി​വ​സം മു​ന്പ് കാ​ണാ​താ​യ ജ​വാ​നെ​ക്കു​റി​ച്ചു വി​വ​രം ല​ഭി​ച്ചെ​ന്നു ജ​മ്മു കാ​ഷ്മീ​ർ ഡി​ജി​പി

ശ്രീ​ന​ഗ​ർ: കു​ൽ​ഗാം ജി​ല്ല​യി​ൽ ഭീ​ക​ര​ർ ത​ട്ടി​ക്കൊ​ണ്ടു​പോ​യ​തെ​ന്നു ക​രു​തു​ന്ന ജ​വാ​നെ​ക്കു​റി​ച്ചു വി​വ​രം ല​ഭി​ച്ചെ​ന്ന് ജ​മ്മു കാ​ഷ്മീ​ർ ഡി​ജി​പി ദി​ൽ​ബാ​ഗ് സിം​ഗ്. മൂ​ന്നു ദി​വ​സം മു​ന്പാ​ണ് ജാ​വേ​ദ് അ​ഹ​മ്മ​ദ് വാ​നി​യെ ല​ഡാ​ക്കി​ൽ​ന്നു കാ​ണാ​താ​യ​ത്.

പ​ര​ൻ​ഹാ​ളി​നു​സ​മീ​പം ജാ​വേ​ദി​ന്‍റെ കാ​ർ ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി​യി​രു​ന്നു. കാ​റി​ന്‍റെ ഡോ​റു​ക​ൾ തു​റ​ന്ന​നി​ല​യി​ലാ​യി​രു​ന്നു. ഇ​താ​ണ് ഭീ​ക​ര​ർ ത​ട്ടി​ക്കൊ​ണ്ടു​പോ​യ​താ​കാ​മെ​ന്ന നി​ഗ​മ​ന​ത്തി​ലെ​ത്താ​ൻ കാ​ര​ണം.​അ​വ​ധി​ക്കു​ശേ​ഷം ജാ​വേ​ദ് ഞാ​യ​റാ​ഴ്ച തി​രി​കെ ഡ്യൂ​ട്ടി​യി​ൽ പ്ര​വേ​ശി​ക്കേ​ണ്ട​താ​യി​രു​ന്നു.

ശ​നി​യാ​ഴ്ച സാ​ധ​ന​ങ്ങ​ൾ വാ​ങ്ങാ​ൻ മാ​ർ​ക്ക​റ്റി​ലേ​ക്കു പോ​യ ത​ന്‍റെ മ​ക​ൻ ആ​രെ​യെ​ങ്കി​ലും ഉ​പ​ദ്ര​വി​ച്ചി​ട്ടു​ണ്ടെ​ങ്കി​ൽ മാ​പ്പു ചോ​ദി​ക്കു​ന്നു​വെ​ന്നും വീ​ടി​ന്‍റെ അ​ത്താ​ണി​യാ​ണെ​ന്നും ജീ​വ​നോ​ടെ തി​രി​ച്ചു​ത​ര​ണ​മെ​ന്നും പി​താ​വ് മു​ഹ​മ്മ​ദ് അ​യൂ​ബ് വാ​നി അ​ഭ്യ​ർ​ഥി​ച്ചു.