കൊച്ചി: നിരോധിത സംഘടനയായ പോപ്പുലര് ഫ്രണ്ട് ഓഫ് ഇന്ത്യയുടെ (പിഎഫ്ഐ) പരിശീലന കേന്ദ്രമായി പ്രവര്ത്തിക്കുന്ന മഞ്ചേരിയിലെ ഗ്രീന്വാലി അക്കാഡമി ദേശീയ അന്വേഷണ ഏജന്സി (എന്ഐഎ) കണ്ടുകെട്ടി. 10 ഹെക്ടര് വിസ്തൃതിയില് സ്ഥിതിചെയ്യുന്ന ഇവിടെ എന്ഡിഎഫും പിഎഫ്ഐയും ആയുധ പരിശീലനം നടത്തിയിരുന്നുവെന്ന് എന്ഐഎ വ്യക്തമാക്കി. യുഎപിഎ പ്രകാരമാണ് നടപടി.
ഇവിടെ സ്ഫോടക വസ്തുക്കളടക്കം പരീക്ഷിച്ചിരുന്നതിനു പുറമേ ആയുധ പരിശീലനം, കായിക പരിശീലനം, സ്ഫോടക വസ്തുക്കള് ഉപയോഗിക്കുന്നതിനുള്ള ക്ലാസുകള് എന്നിവ നല്കുകയും കൊലപാതക്കേസ് പ്രതികള്ക്ക് അഭയം നല്കുകയും ചെയ്തിരുന്നതായും എന്ഐഎ കണ്ടെത്തിയിട്ടുണ്ട്. ഇവിടം പോപ്പുലര് ഫ്രണ്ടില് ലയിച്ച നാഷണല് ഡെവലപ്മെന്റ് ഫ്രണ്ട് നേരത്തേ ഉയോഗിച്ചിട്ടുണ്ട്.
പോപ്പുലര് ഫ്രണ്ട് നിരോധനത്തെത്തുടര്ന്ന് സ്ഥാപനത്തില് എന്ഐഎ സംഘം പരിശോധന നടത്തിയിരുന്നു. അക്കാഡമിയിലെ ടെക്നിക്കല് ഇന്സ്റ്റിറ്റ്യൂട്ടില് പ്രവര്ത്തിക്കുന്ന ലൈബ്രറിയില്നിന്നും ഏതാനും പുസ്തകങ്ങളും മൊബൈല് ഫോണുകളും കസ്റ്റഡിയിലെടുത്തിരുന്നു. അറസ്റ്റിലായ പോപ്പുലര് ഫ്രണ്ട് നേതാക്കളും സ്ഥാപനവും തമ്മിലുള്ള ബന്ധത്തെക്കുറിച്ചുള്ള വിവരങ്ങളും ശേഖരിച്ചു. ഇതിന്റെ തുടര്ച്ചയായാണ് ഇപ്പോഴത്തെ നടപടി.
പോപ്പുലര് ഫ്രണ്ടിന്റെ മഞ്ചേരിയിലെ ഗ്രീന്വാലി അക്കാഡമി എന്ഐഎ കണ്ടുകെട്ടി
08:02 PM Aug 01, 2023 | Deepika.com