തിരുവനന്തപുരം: സ്കൂൾ വിദ്യാർഥിനിയെ തട്ടിക്കൊണ്ടുപോയി പീഡിപ്പിച്ച പ്രതിക്ക് മൂന്നു വർഷം തടവും 30,000 രൂപ പിഴയും ശിക്ഷ. കുറ്റിച്ചൽ കോട്ടൂർ കരണ്ടകംചിറ പ്രദീപ് ഭവനിൽ പ്രസാദ്(41)നെയാണ് കാട്ടാക്കട പോക്സോ അതിവേഗ കോടതി ജഡ്ജ് എസ്.രമേഷ് കുമാർ ശിക്ഷിച്ചത്.
സ്കൂളിലേക്ക് പോകുകയായിരുന്ന കുട്ടിയെ ആണ് ഇയാൾ തട്ടിക്കൊണ്ടുപോയി പീഡിപ്പിച്ചത്. പിഴത്തുക അതിജീവിതയ്ക്ക് നൽകണമെന്നും വിധിന്യായത്തിൽ പറയുന്നു. അല്ലെങ്കിൽ അധികം ഒന്പത് മാസം കൂടി ജയില് ശിക്ഷ അനുഭവിക്കണം.
2017 നവംബർ 16നാണ് സംഭവം. സ്കൂൾ വിട്ടുവന്ന പെൺകുട്ടിയെ കാട്ടാക്കട ബസ് ഡിപ്പോയുടെ മുന്നിൽ വച്ച് കുട്ടിയുടെ പിതാവിന്റെ സുഹൃത്തായ പ്രതി ബൈക്കിൽ കയറ്റി കൊണ്ടുപോയി ആളെഴിഞ്ഞ സ്ഥലത്തെത്തിച്ച് പീഡിപ്പിക്കുകയായിരുന്നു.
ബൈക്ക് നിർത്തിയപ്പോൾ ഇറങ്ങിയോടിയ പെൺകുട്ടിയെ വീണ്ടും തടയുകയും അവിടെനിന്നും പെൺകുട്ടി ഓടി രക്ഷപ്പെടുകയുമായിരുന്നു.
സ്കൂൾ വിദ്യാർഥിനിയെ തട്ടിക്കൊണ്ടുപോയി പീഡിപ്പിച്ചു; പ്രതിക്ക് മൂന്നുവർഷം തടവു ശിക്ഷ
06:08 AM Jul 30, 2023 | Deepika.com