ന്യൂഡൽഹി: ഗവർണർ ആരിഫ് മുഹമ്മദ് ഖാന്റെ വാഹന വ്യൂഹത്തിലേക്ക് കാർ ഇടിച്ച് കയറ്റാൻ ശ്രമം. വെള്ളിയാഴ്ച രാത്രിയിൽ ഉത്തർപ്രദേശിലെ നോയിഡയിൽനിന്നു ഡൽഹി കേരള ഹൗസിലേക്ക് വരുന്നതിനിടെയാണ് സംഭവം.
കാറിലുണ്ടായിരുന്ന രണ്ടുപേരെ പോലീസ് അറസ്റ്റ് ചെയ്തു. യുപി സ്വദേശികളായ മോനു കുമാർ, ഗൗരവ് എന്നിവരാണ് പിടിയിലായത്.
വാഹനവ്യൂഹത്തിലേക്ക് കറുത്ത സ്കോർപിയോ കാർ ആണ് ഇടിച്ചുകയറ്റാൻ ശ്രമിച്ചത്. കാർ ഓടിച്ചിരുന്നയാൾ മദ്യലഹരിയിൽ ആയിരുന്നുവെന്നാണ് പോലീസ് നൽകുന്ന വിവരം. ഗവർണർ സുരക്ഷിതനാണ്.
ഗവർണറുടെ വാഹനവ്യൂഹത്തിലേക്ക് കാർ ഇടിച്ചുകയറ്റാൻ ശ്രമം; രണ്ടുപേർ പിടിയിൽ
12:48 PM Jul 29, 2023 | Deepika.com