കൊച്ചി: ഓടുന്ന ട്രെയിനിലേക്ക് ചാടിക്കയറുന്നതിനിടെ ഉണ്ടായ അപകടത്തില് യുവാവിന് ദാരുണാന്ത്യം. ആലപ്പുഴ സ്വദേശി ജിബിന് ഫിലിപ്പ് (21) ആണ് മരിച്ചത്.
പാളത്തിലേക്ക് വീണ യുവാവിന്റെ ശരീരത്തിലൂടെ ട്രെയിനിന്റെ ചക്രങ്ങള് കയറിയിറങ്ങുകയായിരുന്നു. ഗുരുതരമായി പരിക്കേറ്റ ഇയാളെ ആശുപത്രിയിലേക്ക് മാറ്റിയെങ്കിലും ജീവന് രക്ഷിക്കാനായില്ല.
രാവിലെ 8:20ന് ആലുവ റെയില്വേ സ്റ്റേഷനില്വച്ചാണ് അപകടം. ഏറനാട് എക്സ്പ്രസില് തൃശൂരിലേക്ക് പോയ ഇയാള് ഇടയ്ക്ക് വെള്ളം വാങ്ങാന് പുറത്തിറങ്ങിയതാണ്.
ട്രെയിന് ഓടിത്തുടങ്ങിയതുകൊണ്ട് ചാടിക്കയറാന് ശ്രമിച്ചപ്പോള് പാളത്തിലേക്ക് വീഴുകയായിരുന്നു.
ഓടുന്ന ട്രെയിനിൽ ചാടിക്കയറുന്നതിനിടെ അപകടം; യുവാവിന് ദാരുണാന്ത്യം
02:32 PM Jul 28, 2023 | Deepika.com