കൊച്ചി: അന്താരാഷ്ട്ര വിമാനത്താവളം വഴി അനധികൃതമായി കടത്താൻ ശ്രമിച്ച 50 ലക്ഷം രൂപ മൂല്യമുള്ള സ്വർണ മിശ്രിതം കസ്റ്റംസ് എയർ ഇന്റലിജൻസ് വിഭാഗം പിടികൂടി.
സ്പൈസ് ജെറ്റ് വിമാനത്തിൽ ദുബായിൽ നിന്ന് എത്തിയ പാലക്കാട് സ്വദേശി മിഥുൻ എന്ന യാത്രക്കാരനാണ് സ്വർണം കടത്താൻ ശ്രമിച്ചത്. ഇയാളെ കസ്റ്റഡിയിലെടുത്തു.
1165.85 ഗ്രാം തൂക്കം വരുന്ന നാല് ക്യാപ്സ്യൂളുകളാണ് ഇയാളിൽനിന്ന് പിടികൂടിയത്. പരിശോധനകളെല്ലാം പൂർത്തീകരിച്ച് പുറത്തേക്ക് കടക്കാൻ ശ്രമിക്കുന്നതിനിടെ, പെരുമാറ്റത്തിൽ സംശയം തോന്നിയ കസ്റ്റംസ് നടത്തിയ വിശദമായ പരിശോധനയിലാണ് സ്വർണം കണ്ടെത്തിയത്.
കൊച്ചിയിൽ 50 ലക്ഷം രൂപയുടെ സ്വർണം പിടികൂടി
11:56 PM Jul 27, 2023 | Deepika.com