തിരുവനന്തപുരം: കേരളത്തിലെ വിവിധ ജില്ലകളില് വ്യാഴാഴ്ചയും മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. വടക്കന് കേരളത്തിലാണ് ശക്തമായ മഴയ്ക്ക് സാധ്യത. മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് യല്ലോ അലര്ട്ട് പ്രഖ്യാപിച്ചു.
അതേസമയം, തെക്കന് കേരളത്തിലെ ജില്ലകളിലും ഒറ്റപ്പെട്ട ഇടങ്ങളില് നേരിയ മഴയ്ക്ക് സാധ്യതയുണ്ട്. വെള്ളിയാഴ്ചയോടെ കാലവര്ഷം ദുര്ബലമായേക്കും. തെക്കന് കൊങ്കണ് തീരം മുതല് വടക്കന് കേരള തീരം വരെ നിലനിന്നിരുന്ന തീരദേശ ന്യൂനമര്ദപാത്തി ദുര്ബലമായി.
ശക്തമായ കാറ്റിനും കടല്ക്ഷോഭത്തിനും സാധ്യതയുള്ളതിനാല് കേരള, കര്ണാടക,ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കുണ്ട്. തീരദേശ വാസികളും മത്സ്യതൊഴിലാളികളും ജാഗ്രത പാലിക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും ഒഴിവാക്കണം.
സംസ്ഥാനത്ത് ഇന്നും മഴ; അഞ്ച് ജില്ലകളില് യെല്ലോ അലര്ട്ട്
10:47 AM Jul 27, 2023 | Deepika.com