പാലക്കാട്: ആലത്തൂർ മേലാർകോട്ട് യുവതിയെയും രണ്ട് പിഞ്ചുകുഞ്ഞുങ്ങളെയും വീട്ടുവളപ്പിലെ കിണറ്റിൽ മരിച്ചനിലയിൽ കണ്ടെത്തി.
കീഴ്പ്പാടം സ്വദേശി ഐശ്വര്യ(29), മക്കളായ അനുഗ്രഹ(രണ്ടര വയസ്), ആരോമൽ(10 മാസം) എന്നിവരെയാണ് മരിച്ച നിലയിൽ കണ്ടെത്തിയത്. ഭർത്താവ് രഞ്ജിത്തിന്റെ വസതിയിൽ നിന്ന് ഇന്നാണ് ഐശ്വര്യ സ്വന്തം വീട്ടിലേക്ക് എത്തിയത്.
ഐശ്വര്യയെയും മക്കളെയും കാണാതായതോടെ, വീട്ടുവളപ്പിൽ നടത്തിയ തെരച്ചിലിനൊടുവിൽ 30 അടി താഴ്ചയുള്ള കിണറ്റിൽ നിന്ന് ഇവരെ കണ്ടെത്തുകയായിരുന്നു. ഐശ്വര്യയുടെ മൃതദേഹം കണ്ടെത്തി ഒരു മണിക്കൂറിന് ശേഷമാണ് വെള്ളം നിറഞ്ഞ കിണറ്റിൽ നിന്ന് കുട്ടികളുടെ മൃതദേഹം അഗ്നിരക്ഷാ സേന പുറത്തെടുത്തത്.
യുവതി ജീവനൊടുക്കാനുള്ള കാരണം വ്യക്തമല്ലെന്നും മൃതദേഹങ്ങൾ ആലത്തൂർ താലൂക്ക് ആശുപത്രിയിലേക്ക് മാറ്റിയെന്നും അധികൃതർ അറിയിച്ചു.
പാലക്കാട്ട് അമ്മയും രണ്ട് മക്കളും കിണറ്റിൽ മരിച്ചനിലയിൽ
10:31 PM Jul 25, 2023 | Deepika.com