തിരുവനന്തപുരം: ഡ്രൈവിംഗ് ലൈസന്സ് നല്കുന്നതില് ഉദ്യോഗസ്ഥരും ഇടനിലക്കാരും ചേര്ന്ന് തട്ടിപ്പ് നടത്തുന്നതായി വിജിലന്സ്. "ഓപ്പറേഷന് സ്റ്റെപ്പിനി' എന്ന പേരില് മോട്ടോര് വാഹന വകുപ്പിന്റെ ഡ്രൈവിംഗ് ടെസ്റ്റിംഗ് കേന്ദ്രങ്ങളില് സംസ്ഥാന വ്യാപകമായി വിജിലന്സ് നടത്തിയ മിന്നല് പരിശോധനയിലാണ് കണ്ടെത്തല്.
പരിശീലനം ലഭിച്ച ഇന്സ്ട്രക്ടറുടെ പേരില് ലൈസന്സ് വാങ്ങിയ ശേഷം മറ്റാരെങ്കിലുമാണ് പല ഡ്രൈവിംഗ് സ്കൂളുകളിലും പഠിപ്പിക്കുന്നത്. ഡ്രൈവിംഗ് ടെസ്റ്റില് പരാജയപ്പെടുന്നവര്ക്കും ഉദ്യോഗസ്ഥരുടെ ഒത്താശയോടെ ലൈസന്സ് കൊടുക്കുന്നതായും കണ്ടെത്തിയിട്ടുണ്ട്.
ലൈസന്സിനുള്ള ടെസ്റ്റിന്റെ ദൃശ്യങ്ങള് പൂര്ണമായും ചിത്രീകരിക്കണമെന്ന് നിബന്ധന ഉണ്ടെങ്കിലും പലയിടത്തും ഇത് പാലിക്കപ്പെടുന്നില്ലെന്നും വിജിലന്സ് സംഘം കണ്ടെത്തി.
കൃത്യമായ രീതിയില് ഡ്രൈവിംഗ് ലൈസന്സ് കൊടുക്കുന്നതിലുള്ള അപാകതയാണ് വാഹനാപകടങ്ങള് പെരുകുന്നതെന്ന വിലയിരുത്തലിന്റെ അടിസ്ഥാനത്തിലായിരുന്നു വിജിലന്സിന്റെ മിന്നല് പരിശോധന.
ഡ്രൈവിംഗ് ടെസ്റ്റിംഗ് കേന്ദ്രങ്ങളില് മിന്നല് പരിശോധന; ലൈസന്സ് നല്കുന്നതില് തട്ടിപ്പെന്ന് വിജിലന്സ്
01:42 PM Jul 25, 2023 | Deepika.com