തിരുവനന്തപുരം: സംസ്ഥാന സര്ക്കാരിന്റെ തിരുവോണം ബംപര് ഭാഗ്യക്കുറി പ്രകാശനം തിങ്കളാഴ്ച. ധനകാര്യ മന്ത്രി കെ.എന്. ബാലഗോപാല് ബംപര് ടിക്കറ്റിന്റെ പ്രകാശനം നിര്വഹിക്കും. ഗതാഗത മന്ത്രി ആന്റണി രാജു അധ്യക്ഷനായ ചടങ്ങില് മികച്ച സ്വഭാവ നടനുള്ള 2022 ലെ സംസ്ഥാന ചലച്ചിത്ര പുരസ്കാരം നേടിയ പി.പി. കുഞ്ഞികൃഷ്ണന് മുഖ്യാതിഥിയായിരിക്കും.
25 കോടി രൂപയാണ് ഇത്തവണയും തിരുവോണം ബംപറിന്റെ ഒന്നാം സമ്മാനം. രണ്ടാം സമ്മാനമായി ഒരു കോടി വീതം 20 പേര്ക്ക് നല്കും. മൂന്നാം സമ്മാനം 50 ലക്ഷം വീതം 20 പേര്ക്ക് ലഭിക്കും.500 രൂപയാണ് ടിക്കറ്റ് വില.
ഒന്നാം സമ്മാനം 30 കോടി രൂപയാക്കണമെന്ന ശിപാര്ശ കഴിഞ്ഞാഴ്ച ധനവകുപ്പ് തള്ളിയിരുന്നു. സമ്മാനത്തുക ഉയര്ത്തിയാല് ലോട്ടറി വില കൂട്ടേണ്ടി വരുന്ന സാഹചര്യം മുന്നില് കണ്ടാണ് ശിപാര്ശ തള്ളിയത്.
ഒന്നാം സമ്മാനത്തിന്റെ തുക വര്ധിപ്പിച്ചില്ലെങ്കിലും ആകെ സമ്മാനത്തുകയില് വര്ധനയുണ്ട്. 125 കോടി 54 ലക്ഷം രൂപയാണ് ഇത്തവണത്തെ ആകെ സമ്മാനത്തുക.
തിരുവനന്തപുരം ശ്രീവരാഹം സ്വദേശിയും ഓട്ടോ ഡ്രൈവറുമായ അനൂപായിരുന്നു കഴിഞ്ഞതവണത്തെ തിരുവോണം ബമ്പര് വിജയി.
ഏറ്റവും വലിയ സമ്മാനത്തുകയുമായി തിരുവോണം ബംപര്; പ്രകാശനം ഇന്ന്
12:16 PM Jul 24, 2023 | Deepika.com