തിരുവനന്തപുരം: യാത്രാ വിലക്ക് ഏർപ്പെടുത്തിയ സംഭവത്തിൽ ഇൻഡിഗോ വിമാനക്കമ്പനി തെറ്റ് സമ്മതിക്കണമെന്ന് എൽഡിഎഫ് കൺവീനർ ഇ.പി. ജയരാജൻ. വിമാനത്തിനുള്ളിൽ അക്രമം നടത്തിയവർക്ക് ഏർപ്പെടുത്തിയതിനേക്കാൾ കൂടുതൽ കാലം തനിക്ക് ഇൻഡിഗോ വിലക്ക് ഏർപ്പെടുത്തിയെന്നും ഇ.പി. ജയരാജൻ കുറ്റപ്പെടുത്തി.
ഇൻഡിഗോ ചെയ്തത് ഗുരുതര തെറ്റാണ്. അത് സമ്മതിക്കണം. മാപ്പ് പറയിക്കൽ ഫ്യൂഡൽ സമ്പ്രദായമാണെന്നതിനാൽ അതിന് നിർബന്ധിക്കുന്നില്ല. പക്ഷേ പറ്റിയ തെറ്റ് ഇൻഡിഗോ സമ്മതിക്കണമെന്നും ഇപി ആവശ്യപ്പെട്ടു.
ഇൻഡിഗോയുടെ യാത്രവിലക്കിന് ഒരു വർഷം തികയുന്ന വേളയിലാണ് ഇപിയുടെ പ്രതികരണം. മൂന്നാഴ്ചത്തെ വിലക്കാണ് ജയരാജന് ഇൻഡിഗോ ഏർപ്പെടുത്തിയത്. വിലക്ക് കഴിഞ്ഞെങ്കിലും ഇപി പിന്നെ ഇൻഡിഗോയിൽ കയറിയിട്ടില്ല.
ഇൻഡിഗോ തെറ്റ് സമ്മതിക്കണം: ഇ.പി. ജയരാജൻ
11:13 PM Jul 22, 2023 | Deepika.com