കൊല്ലം: മുൻ മുഖ്യമന്ത്രി ഉമ്മൻ ചാണ്ടിയെ സമൂഹമാധ്യമത്തിൽ അധിക്ഷേപിച്ച സര്ക്കാര് ഉദ്യോഗസ്ഥനെതിരെ പോലീസ് കേസെടുത്തു.
പൊതുമരാമത്ത് വകുപ്പ് ഡിവിഷണൽ അക്കൗണ്ട്സ് ഓഫീസര് കൊല്ലം കുന്നത്തൂര് സ്വദേശി ആര്. രാജേഷ് കുമാറിനെതിരേയാണ് നടപടി. ഇയാൾ ഒളിവിലാണെന്ന് പോലീസ് അറിയിച്ചു.
ഉമ്മൻ ചാണ്ടിക്ക് ആദരാഞ്ജലി അര്പ്പിച്ച് ഫേസ്ബുക്കിൽ വന്ന പോസ്റ്റിനു താഴെ വിദ്വേഷകരമായ രീതിയിൽ പ്രതികരിച്ചതിനാണ് കേസ്.
സംഭവത്തിൽ യൂത്ത് കോൺഗ്രസ് ശാസ്താംകോട്ട പോലീസിൽ പരാതി നൽകിയിരുന്നു.
ഉമ്മൻ ചാണ്ടിയെ സമൂഹമാധ്യമത്തിൽ അധിക്ഷേപിച്ചു; സർക്കാർ ഉദ്യോഗസ്ഥനെതിരേ കേസ്
07:32 PM Jul 21, 2023 | Deepika.com