ചേർത്തല: കാറിൽ ഒളിപ്പിച്ചു കടത്തുകയായിരുന്നു 6,450 പാക്കറ്റ് നിരോധിത പുകയില ഉൽപ്പന്നങ്ങൾ പിടിച്ചെടുത്തു. ചേർത്തല കുത്തിയതോട് പള്ളിത്തോട് ജംഗ്ഷനിൽ വച്ചാണ് പോലീസും ജില്ലാ ലഹരി വിരുദ്ധ സ്ക്വാഡും ചേർന്ന് പുകയില ഉത്പന്നങ്ങൾ പിടിച്ചെടുത്തത്.
സംഭവത്തിൽ തോട്ടപ്പള്ളി ഷെമി മൻസിലിൽ ഷെമീർ (39), പുറക്കാട് കൈതവളപ്പിൽ അഷ്കർ (39) എന്നിവർ അറസ്റ്റിലായി.
അരൂരിൽ വച്ച് പോലിസിനെ വെട്ടിച്ച് തീരദേശ റോഡിലുടെ രക്ഷപ്പെടാൻ ശ്രമിക്കുമ്പോഴാണ് ഇവർ പിടിയിലായത്. പിടിച്ചെടുത്ത പുകയില ഉത്പന്നങ്ങളും വാഹനവും കോടതിക്ക് കൈമാറി.
ചേർത്തലയിൽ കാറിൽ ഒളിപ്പിച്ചു കടത്തിയ നിരോധിത പുകയില ഉൽപ്പന്നങ്ങൾ പിടിച്ചു
07:23 PM Jul 20, 2023 | Deepika.com