ഒരു പ​ക​ലും രാ​ത്രി​യും ക​ട​ന്ന് ഉ​മ്മ​ൻ ചാ​ണ്ടി ക​രോ​ട്ട് വ​ള്ള​ക്കാ​ലി​ൽ; വീ​ട്ടി​ലെ ശു​ശ്രൂ​ഷ ആ​രം​ഭി​ച്ചു

കോ​ട്ട​യം: ജ​ന​ബാ​ഹു​ല്യ​ത്തി​നി​ട​യി​ലൂ​ടെ ഒ​രു പ​ക​ലും രാ​ത്രി​യും ക​ട​ന്ന് ഉ​മ്മ​ൻ ചാ​ണ്ടി അ​വ​സാ​ന​മാ​യി പു​തു​പ്പ​ള്ളി ക​രോ​ട്ട് വ​ള്ള​ക്കാ​ലി​ൽ വീ​ട്ടി​ലെ​ത്തി. മു​ന്‍ മു​ഖ്യ​മ​ന്ത്രി ഉ​മ്മ​ന്‍ ചാ​ണ്ടി​യു​ടെ മൃ​ത​ദേ​ഹ​വും വ​ഹി​ച്ചു​കൊ​ണ്ടു​ള്ള വി​ലാ​പ​യാ​ത്ര വ്യാ​ഴാ​ഴ്ച വൈ​കു​ന്നേ​രം 6.30 ഓ​ടെ​യാ​ണ് ത​റ​വാ​ട് വീ​ട്ടി​ലെ​ത്തി​യ​ത്.

നേ​ര​ത്തെ നി​ശ്ച​യി​ച്ച സ​മ​യ​ത്തി​നും 24 മ​ണി​ക്കൂ​ർ വൈ​കി​യാ​ണ് ഇ​വി​ടെ എ​ത്തി​യ​ത്. വ​ൻ ജ​നാ​വ​ലി​യാ​ണ് സ്വ​ന്തം ത​ട്ട​ക​ത്തി​ൽ ഉ​മ്മ​ൻ ചാ​ണ്ടി​യെ ഒ​രു നോ​ക്ക് കാ​ണാ​ൻ ത​ടി​ച്ചു​കൂ​ടി​യ​ത്. പു​തു​പ്പ​ള്ളി ക​വ​ല​യി​ൽ​നി​ന്നും ഏ​താ​നും മീ​റ്റ​റു​ക​ൾ മാ​ത്രം ദൂ​ര​മു​ള്ള വീ​ട്ടി​ലേ​ക്ക് അ​ര​മ​ണി​ക്കൂ​റോ​ളം സ​മ​യ​മെ​ടു​ത്താ​ണ് മൃ​ത​ദേ​ഹം എ​ത്തി​ക്കാ​നാ​യ​ത്.

വി​ലാ​പ​യാ​ത്ര വീ​ട്ടി​ൽ എ​ത്തി​യ​യു​ട​ൻ സം​സ്കാ​ര ശു​ശ്രു​ഷ​ക​ൾ ആ​രം​ഭി​ച്ചു. ഇ​തി​നു ശേ​ഷം പ​ണി പൂ‍​ർ​ത്തി​യാ​വാ​ത്ത വീ​ട്ടി​ലും പൊ​തു​ദ​ർ​ശ​ന​ത്തി​ന് വ​യ്ക്കും. രാ​ത്രി എ​ട്ടോ​ടെ പു​തു​പ്പ​ള്ളി സെ​ന്‍റ് ജോ​ർ​ജ് പ​ള്ളി​യി​ലേ​ക്ക് മൃ​ത​ദേ​ഹം കൊ​ണ്ടു​പോ​വും. പ്ര​ത്യേ​കം ഒ​രു​ക്കി​യ ക​ല്ല​റ​യി​ലാ​ണ് മൃ​ത​ദേ​ഹം സം​സ്ക​രി​ക്കു​ക.