എ​ന്തി​നാ​ണ് ഇതൊരു അ​ഭി​മാ​ന​പ്ര​ശ്ന​മാ​ക്കുന്നത്..? ചീ​റ്റ​പ്പു​ലി​യി​ൽ കേ​ന്ദ്ര​ത്തോ​ട് സു​പ്രീം കോ​ട​തി

ന്യൂ​ഡ​ൽ​ഹി: മ​ധ്യ​പ്ര​ദേ​ശി​ലെ കു​നോ നാ​ഷ​ണ​ൽ പാ​ർ​ക്കി​ൽ തു​ട​ർ​ച്ച​യാ​യി ചീ​റ്റ​ക​ൾ ചാ​കു​ന്ന​തി​ൽ ആ​ശ​ങ്ക രേ​ഖ​പ്പെ​ടു​ത്തി സു​പ്രീം കോ​ട​തി. ചീ​റ്റ​ക​ളു​ടെ മ​ര​ണം ത​ട​യാ​ൻ അ​നു​കൂ​ല​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും കേ​ന്ദ്രത്തോട് സു​പ്രീം കോ​ട​തി ആ​വ​ശ്യ​പ്പെ​ട്ടു.

ജ​സ്റ്റീ​സു​മാ​രാ​യ ബി.​ആ​ർ. ഗ​വാ​യ്, ജെ​ബി പ​ർ​ദി​വാ​ല, പ്ര​ശാ​ന്ത് കു​മാ​ർ മി​ശ്ര എ​ന്നി​വ​ര​ട​ങ്ങി​യ ബെ​ഞ്ചാ​ണ് ചീ​റ്റ​പ്പു​ലി​ക​ളു​ടെ മ​ര​ണ​വു​മാ​യി ബ​ന്ധ​പ്പെ​ട്ട വി​ഷ​യം പ​രി​ഗ​ണി​ക്ക​വെ നി​രീ​ക്ഷ​ണം ന​ട​ത്തി​യ​ത്.

ക​ഴി​ഞ്ഞ ഒ​രു​വ​ർ​ഷ​ത്തി​നി​ടെ ഇ​ത്ര​യ​ധി​കം ചീ​റ്റ​ക​ൾ മ​ര​ണ​പ്പെ​ട്ട​ത് ആ​ശ​ങ്കാ​ജ​ന​ക​മാ​ണ്. വി​ഷ​യ​ത്തെ കേ​ന്ദ്ര സ​ർ​ക്കാ​ർ അ​ഭി​മാ​ന​പ്ര​ശ്ന​മാ​യി കാ​ണ​രു​തെ​ന്നും കോ​ട​തി വ്യ​ക്ത​മാ​ക്കി.

എ​ന്തി​നാ​ണ് ചീ​റ്റ​ക​ളെ ഒ​രി​ട​ത്തു​ത​ന്നെ നി​ർ​ത്തു​ന്ന​ത്. കു​റ​ച്ച് എ​ണ്ണ​ത്തി​നെ രാ​ജ​സ്ഥാ​നി​ലെ ജ​വാ​യ് നാ​ഷ​ണ​ൽ പാ​ർ​ക്കി​ലേ​ക്ക് മാ​റ്റാ​ൻ സാ​ധി​ക്കി​ല്ലേ​യെ​ന്നും കോ​ട​തി ചോ​ദി​ച്ചു.

അ​തേ​സ​മ​യം, ചീ​റ്റ​ക​ളു​ടെ സ്ഥ​ലം​മാ​റ്റ​ത്തി​ൽ 50 ശ​ത​മാ​നം മ​ര​ണ​ങ്ങ​ളും സാ​ധാ​ര​ണ​മാ​ണെ​ന്ന് കേ​ന്ദ്രം സു​പ്രീം കോ​ട​തി​യെ അ​റി​യി​ച്ചു. ചീ​റ്റ​ക​ളെ കൊ​ണ്ടു​വ​ന്ന പ​ദ്ധ​തി വി​ജ​യ​മാ​ക്കാ​ൻ ത​ങ്ങ​ൾ പ​ര​മാ​വ​ധി പ​രി​ശ്ര​മി​ക്കു​ന്നു​ണ്ടെ​ന്നും അ​ഡീ​ഷ​ണ​ൽ‌ സോ​ളി​സി​റ്റ​ർ ജ​ന​റ​ൽ ഐ​ശ്വ​ര്യ ഭാ​ട്ടി പ​റ​ഞ്ഞു.