തിരുവനന്തപുരം: സംസ്ഥാനത്ത് വിവിധയിടങ്ങളില് ഒറ്റപ്പെട്ട ശക്തമായ മഴയ്ക്ക് സാധ്യത. വ്യാഴാഴ്ച മൂന്നു ജില്ലകളില് യെല്ലോ അലര്ട്ട്. കോഴിക്കോട്, കണ്ണൂര്, കാസര്കോഡ് ജില്ലകളിലാണ് അലര്ട്ട്.
വെള്ളിയാഴ്ചയും ഈ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. 22ന് മലപ്പുറം, കോഴിക്കോട്, കണ്ണൂര്, കാസര്കോഡ് ജില്ലകളിലും 23ന് മലപ്പുറം, കോഴിക്കോട്, വയനാട്, കണ്ണൂര്, കാസര്കോഡ് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.
കേരള തീരത്ത് (വിഴിഞ്ഞം മുതല് കാസര്ഗോഡ് വരെ) വ്യാഴാഴ്ച രാത്രി 11.30 വരെ മൂന്നു മുതല് 3.5 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
സംസ്ഥാനത്ത് ഒറ്റപ്പെട്ട ശക്തമായ മഴയ്ക്ക് സാധ്യത; മൂന്ന് ജില്ലകളില് യെല്ലോ അലര്ട്ട്
01:17 PM Jul 20, 2023 | Deepika.com