കോട്ടയം: മുൻ മുഖ്യമന്ത്രി ഉമ്മൻ ചാണ്ടിയുടെ വിയോഗത്തിൽ അനുശോചനം രേഖപ്പെടുത്തി പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ.
ഉമ്മൻ ചാണ്ടിയുടെ ഭാര്യ മറിയാമ്മ ഉമ്മന്റെയും കുടുംബത്തിന്റെയും ദുഃഖത്തിൽ പങ്കുചേരുന്നതായി അദ്ദേഹം അനുശോചന കുറിപ്പിൽ രേഖപ്പെടുത്തി. സാധാരണക്കാരായ മനുഷ്യർക്ക് വേണ്ടി എളിമയോടെയും സമർപ്പണത്തോടെയും രാഷ്ട്രീയ ജീവിതം നയിച്ച ഒരു മികച്ച ഭരണാധികാരിയായിരുന്നു ഉമ്മൻ ചാണ്ടി എന്ന് പാത്രിയർക്കീസ് ബാവ അനുസ്മരിച്ചു.
ഇന്ത്യാ സന്ദർശന വേളയിൽ അദ്ദേഹത്തോടൊപ്പം തന്റെ ഓർമകളെ പ്രാർഥനാപൂർവ്വം ഓർക്കുന്നതായും കേരള ജനതയോടും ഒപ്പം ഉമ്മൻചാണ്ടിയുടെ കുടുംബത്തിനോടും ഉള്ള അനുശോചനം രേഖപ്പെടുത്തുത്തി പ്രാർഥിക്കുന്നുവെന്നും സന്ദേശത്തിൽ പാത്രിയർക്കീസ് ബാവ രേഖപ്പെടുത്തി.
ഉമ്മൻ ചാണ്ടിയുടെ വിയോഗം: പാത്രിയർക്കീസ് ബാവ അനുശോചിച്ചു
09:48 AM Jul 20, 2023 | Deepika.com