ആലപ്പുഴ: കായംകുളം കൃഷ്ണപുരത്ത് യുവാവിനെ വെട്ടി കൊലപ്പെടുത്തി. പുതുപ്പള്ളി പത്തിശേരി വേലിശേരിൽ തറയിൽ സന്തോഷ് - ശകുന്തള ദമ്പതികളുടെ മകൻ അമ്പാടി(21) ആണ് കൊല്ലപ്പെട്ടത്.
കാപ്പിൽ കിഴക്ക് മാവിനാൽ കുറ്റി ജംഗ്ഷന് സമീപത്തെ റോഡിൽ വച്ച് ഇന്ന് വൈകിട്ട് ആറിനാണ് അമ്പാടി കൊല്ലപ്പെട്ടത്. വാഹനാപകടവുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചതെന്നാണ് വിവരം.
ബൈക്കിലെത്തിയ ഇരു സംഘങ്ങൾ തമ്മിൽ വാക്കേറ്റമുണ്ടാകുകയും തുടർന്ന് അമ്പാടിക്ക് വെട്ടും കുത്തുമേൽക്കുകയുമായിരുന്നു. സംഭവം നടക്കുമ്പോൾ അമ്പാടിയുടെ സഹോദരൻ അർജുൻ ഒപ്പമുണ്ടായിരുന്നു.
അമ്പാടിയെ ആക്രമിക്കാൻ ഉപയോഗിച്ച ഹോക്കി സ്റ്റിക്ക്, ക്രിക്കറ്റ് ബാറ്റ് എന്നിവ സംഭവസ്ഥലത്ത് നിന്ന് പോലീസ് കണ്ടെത്തി. പ്രതികളെക്കുറിച്ചു സൂചന ലഭിച്ചതായി പോലീസ് അറിയിച്ചു. അമ്പാടിയുടെ മൃതദേഹം കായംകുളം താലൂക്ക് ആശുപത്രിയിലേക്ക് മാറ്റി.
കായംകുളത്ത് യുവാവിനെ വെട്ടിക്കൊന്നു
10:24 PM Jul 18, 2023 | Deepika.com