ന്യൂഡല്ഹി: കേരളത്തില് ഓടുന്ന വന്ദേഭാരത് എക്സ്പ്രസിന് തിരൂരില് സ്റ്റോപ്പ് വേണമെന്നാവശ്യപ്പെട്ടുള്ള ഹര്ജി സുപ്രീംകോടതി തള്ളി. ഒരു ഹര്ജി അനുവദിച്ചാല് പലയിടത്തുനിന്നും സമാനഹര്ജികള് എത്തുമെന്ന് കോടതി നിരീക്ഷിച്ചു.
തിരൂര് സ്വദേശിയായ പി.ടി.ഷിജീഷാണ് വിഷയത്തില് കോടതി ഇടപെടല് ആവശ്യപ്പെട്ട് സുപ്രീംകോടതിയെ സമീപിച്ചത്. ഏറെ ജനസാന്ദ്രതയുള്ള ജില്ലയായ മലപ്പുറത്തെ തിരൂരില് വന്ദേഭാരതിന് സ്റ്റോപ്പില്ലാത്തതിന് പിന്നില് രാഷ്ട്രീയകാരണങ്ങള് ഉണ്ടെന്ന് ചൂണ്ടിക്കാട്ടിയായിരുന്നു ഹര്ജി.
എന്നാല് ട്രെയിനിന് സ്റ്റോപ്പ് തീരുമാനിക്കേണ്ടത് കോടതിയല്ലെന്ന് സുപ്രീംകോടതി വ്യക്തമാക്കി. ഇതൊരു നയപരമായ തീരുമാനമാണ്. ഇപ്പോള് ഇത് അനുവദിച്ചാല് ഡല്ഹി മുതല് മുംബൈ വരെ ഓടുന്ന പല വന്ദേഭാരത് ട്രെയിനുകളുമായി ബന്ധപ്പെട്ട് നിരവധി ഹര്ജികളെത്തുമെന്നും കോടതി പറഞ്ഞു.
വന്ദേഭാരതിന് തിരൂരില് സ്റ്റോപ്പ് അനുവദിക്കാനാവില്ല; ഹര്ജി സുപ്രീംകോടതി തള്ളി
01:38 PM Jul 17, 2023 | Deepika.com