ന്യൂഡൽഹി: പ്രധാനമന്ത്രി നരേന്ദ്ര മോദി ഇന്ന് യുഎഇയില് എത്തും. ഫ്രാന്സ് സന്ദര്ശനം പൂര്ത്തിയാക്കി മടങ്ങും വഴിയാണ് നരേന്ദ്ര മോദി യുഎഇയില് ഇറങ്ങുന്നത്. ഒമ്പത് വര്ഷത്തിനിടെ പ്രധാനമന്ത്രി നരേന്ദ്ര മോദി അഞ്ചാം തവണയാണ് യുഎഇയിലെത്തുന്നത്.
ശനിയാഴ്ച രാവിലെ 9.15ന് അബുദാബിയിലെ പ്രസിഡന്ഷ്യല് വിമാനത്താവളത്തില് പ്രധാനമന്ത്രി നരേന്ദ്ര മോദി വിമാനമിറങ്ങും. യുഎഇ പ്രസിഡന്റ് ഷെയ്ഖ് മുഹമ്മദ് ബിന് സായിദ് അല് നഹ്യാനുമായും കോപ്പ് 28 പ്രസിഡന്റ് ഡോക്ടര് സുല്ത്താന് ബിന് മുഹമ്മദ് അല് ജാബറുമായും കൂടിക്കാഴ്ച നടത്തും.
യുഎഇ പ്രസിഡന്റുമായുള്ള കൂടിക്കാഴ്ചയില് വിവിധ ധാരണാപത്രങ്ങളില് ഒപ്പുവയ്ക്കും. ഇരുരാജ്യങ്ങളും തമ്മില് രൂപയില് വ്യാപാരം നടത്തുന്നത് സംബന്ധിച്ച് യുഎഇയും ഇന്ത്യയും തമ്മില് ധാരണാപത്രം ഒപ്പുവയ്ക്കുമെന്നാണ് സൂചനകൾ. ഉച്ചകഴിഞ്ഞ് 3.15 ന് പ്രധാനമന്ത്രി ഇന്ത്യയിലേക്ക് മടങ്ങും.
പ്രധാനമന്ത്രി മോദി യുഎഇയിലേക്ക് തിരിച്ചു
10:48 AM Jul 15, 2023 | Deepika.com