റിയാദ്: സൗദി പ്രൊ ലീഗ് ക്ലബ് അൽ നസറിന്റെ പരിശീലകനായി പോർച്ചുഗീസുകാരൻ ലൂയിസ് കാസ്ട്രോയെ നിയമിച്ചു. പോർചുഗലിൽ നടക്കുന്ന അൽ നസറിന്റെ പ്രീ സീസൺ ക്യാമ്പിനിടെയാണ് പ്രഖ്യാപനം. കരാർ കാലാവധി വെളിപ്പെടുത്തിയിട്ടില്ല.
61-കാരനായ കാസ്ട്രോ ബ്രസീലിലെ ബോട്ടോഫോഗോയിൽ നിന്നാണ് കാസ്ട്രോ സൗദിയിലെത്തുന്നത്. പോർചുഗലിലെ പോർട്ടോ, യുക്രെയ്നിലെ ഷാക്തർ ഡൊനെറ്റ്സ്ക്, ഖത്തറിലെ അൽ ദുഹൈൽ ഉൾപ്പെടെ പത്തിലധികം ടീമുകളെ പരിശീലിപ്പിച്ചിട്ടുണ്ട്.
പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോ ജനുവരി മുതൽ അൽ നസറിലുണ്ട്. അടുത്ത മാസം നടക്കുന്ന ഏഷ്യൻ ചാമ്പ്യൻസ് ലീഗിനുള്ള യോഗ്യതാ പ്ലേ ഓഫിലേക്ക് അൽ നസറിനെ കാസ്ട്രോ പരിശീലിപ്പിക്കും.
റൊണാൾഡോയുടെ അൽ നസറിന് പോർച്ചുഗീസ് പരിശീലകൻ
10:25 AM Jul 07, 2023 | Deepika.com