നാദാപുരം: പാറക്കടവ് - കൊയന്പ്രപ്പാലം കുറുവന്തേരി റോഡിൽ കല്ലിക്കണ്ടി പള്ളിക്ക് സമീപം കലുങ്കിന്റെ പ്രവൃത്തി ആരംഭിച്ചതിനാൽ ഇന്നു മുതൽ ഇതുവഴിയുള്ള ഗതാഗതം നിരോധിച്ചു. പാറക്കടവ് നിന്നും കുറുവന്തേരിയിലേക്കും തിരിച്ചുമുള്ള വാഹനങ്ങൾ താനക്കോട്ടൂർ വഴി തിരിഞ്ഞ് പോകേണ്ടതാണെന്ന് പിഡബ്യൂഡി അസിസ്റ്റന്റ് എൻജിനിയർ അറിയിച്ചു.
സ്വാഗതസംഘം രൂപീകരിച്ചു
തിരുവമ്പാടി: മേയ് ദിനത്തോടനുബന്ധിച്ച് നടത്തുന്ന ഡികെടിഎഫിന്റെ രണ്ട് ദിവസത്തെ ക്യാന്പിനായി സ്വാഗത സംഘം രൂപീകരിച്ചു. ശ്രീധരൻ മേനാച്ചേരി (ചെയർമാൻ) അബ്ദു കൊയങ്ങോറൻ, എ.കെ. മുഹമ്മദ് (കൺവീനർമാർ), അബ്രാഹം ജോസഫ് (ട്രഷറർ) എന്നിവരാണ് ഭാരവാഹികൾ. ശ്രീധരൻ മേനാച്ചേരി അധ്യക്ഷത വഹിച്ചു.മുൻ മുഖ്യമന്ത്രി ഉമ്മൻ ചാണ്ടി, രമേശ് ചെന്നിത്തല, എം.എം. ഹസ്സൻ, കെ. മുരളീധരൻ തുടങ്ങിയവരെ പങ്കെടുപ്പിക്കാനും തീരുമാനിച്ചു.
സ്കോളർഷിപ്പ് വിതരണം
താമരശേരി: പുതുപ്പാടി ഗ്രാമപഞ്ചായത്തിൽ 2017-18 വാർഷിക പദ്ധതിയുടെ ഭാഗമായി ഭിന്നശേഷിക്കാർക്ക് ഏർപ്പെടുത്തിയ സ്കോളർഷിപ്പ് വിതരണം ചെയ്തു. ഭിന്നശേഷിക്കാർക്കായി ഗ്രാമപഞ്ചായത്ത് കോൺഫറൻസ് ഹാളിൽ ചേർന്ന ഗ്രാമസഭയിൽ പ്രസിഡന്റ് കെ.കെ നന്ദകുമാർ വിതരണോദ്ഘാടനം നിർവ്വഹിച്ചു. ക്ഷേമകാര്യ സ്റ്റാൻഡിംഗ് കമ്മറ്റി ചെയർപേഴ്സണ് ഐബി റെജി അധ്യക്ഷത വഹിച്ചു. കലാകായിക രംഗത്ത് കഴിവ് തെളിയിച്ചകുട്ടികൾക്കുള്ള ഉപഹാരം വൈസ് പ്രസിഡന്റ് കുട്ടിയമ്മമാണി വിതരണം ചെയ്തു. വിദ്യാഭ്യാസ സ്റ്റാൻഡിംഗ് കമ്മറ്റി ചെയർമാൻ എം.ഇ ജലീൽ, വാർഡ് മെംബർമാരായ അബിക മംഗലത്ത്, കെ.ജി ഗീത, റീന ബഷീർ, ഐസിഡിഎസ് സൂപ്പർവൈസർ ശാന്തമ്മ എന്നിവർ പ്രസംഗിച്ചു.
വാർത്ത അടിസ്ഥാന രഹിതമെന്ന്
താമരശേരി: കട്ടിപ്പാറ ഗ്രാമപഞ്ചായത്തിലെ പ്ലാപറ്റജലനിധിയുമായി ബന്ധപ്പെട്ട് കുടിവെള്ളം ലഭിക്കാത്തതിൽ വാർഡ് മെംബർ അനാസ്ഥകാണിച്ചതായുള്ള വാർത്ത അടിസ്ഥാന രഹിതമാണെന്ന് കട്ടിപ്പാറ ഗ്രാമ പഞ്ചായത്ത് ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ പി.സി തോമസ് അറിയിച്ചു.
ഗതാഗതം നിരോധിച്ചു
12:21 AM Apr 06, 2017 | Deepika.com