കോടഞ്ചേരി: ടൗണിൽ ബൈക്കിടിച്ച് വഴിയാത്രക്കാരൻ മരിച്ചു. കോടഞ്ചേരി നെല്ലിക്കുന്നേൽ ജോസ് (70) ആണ് മരിച്ചത്. വ്യാഴാഴ്ച ഉച്ചയ്ക്ക് 1.30 ന് കോടഞ്ചേരിയിലെ സ്വകാര്യ ആശുപത്രിക്ക് സമീപമാണ് അപകടം നടന്നത്. കോഴിക്കോട് മെഡിക്കൽകോളജ് ആശുപത്രിയിലേയ്ക്കുള്ള വഴിമധ്യെ മരണം സംഭവിക്കുകയായിരുന്നു. ഭാര്യ: അച്ചാമ്മ. മക്കൾ: സാബു, സെൽമ, റെൻസൻ. മരുമക്കൾ: ഡിൽസി, തങ്കച്ചൻ, അമലു. സംസ്കാരം ഇന്ന് 2.45 ന് കോടഞ്ചേരി സെന്റ് മേരീസ് ഫൊറോന പള്ളിയിൽ.
അപകടത്തിൽ ബൈക്ക് യാത്രക്കാർക്കും പരിക്കേറ്റു. പൂവത്തിൻചുവട് ചക്കരമാക്കിൽ മനോജിന്റെ മകൻ അഖിൽ, പൂവത്തിൻചുവട് വയിലിൽ ഇബ്രാഹിമിന്റെ മകൻ അജ്മൽ എന്നിവരെ മെഡിക്കൽകോളജ് ആശുപത്രിയിൽ പ്രവേശിപ്പിച്ചു. ഇരുവരും പ്ലസ്ടു വിദ്യാർഥികളാണ്.
ബൈക്കിടിച്ച് വഴിയാത്രക്കാരൻ മരിച്ചു
09:41 PM Mar 30, 2017 | Deepika.com