പോലീസ് സ്റ്റേഷനിൽ പച്ചക്കറി വിളവെടുപ്പ്
12:46 AM Mar 29, 2017 | Deepika.com
കോടഞ്ചേരി: കേരള പോലീസ് അസോസിയേഷൻ കോഴിക്കോട് റൂറൽ ജില്ലാ കമ്മിറ്റി ഹരിതകേരളം പദ്ധതിയുടെ ഭാഗമായി നടത്തിയ വിഷരഹിത പച്ചക്കറികൃഷി വിളവെടുത്തു. ജില്ലാതല ഉദ്ഘാടനം കോടഞ്ചേരി പോലീസ് സ്റ്റേഷനിൽ റൂറൽ എസ്പി എം.കെ പുഷ്കരൻ നിർവഹിച്ചു. എസ്ഐ ഐ.സി. ചിത്തരഞ്ജൻ അധ്യക്ഷത വഹിച്ചു. ചീര, വെണ്ട, പയർ, വഴുതന തുടങ്ങിയവയാണ് കൃഷി ചെയ്തിരിക്കുന്നത്. കൃഷിപരിപാലനം പോലീസ് ഉദ്യോഗസ്ഥരാണ് നടത്തുന്നത്. താമരശേരി സിഐ ടി.എ അഗസ്റ്റിൻ, കെപിഎ ജില്ലാ പ്രസിഡന്റ് എ.പി രതീഷ്, കെപിഎ സംസ്ഥാന കമ്മിറ്റി അംഗങ്ങളായ സി.കെ സുജിൽ, കെ.ഷാജി തുടങ്ങിയവർ പ്രസംഗിച്ചു.