കുടിയൊഴിപ്പിക്കപ്പെടുന്ന വ്യാപാരികൾ ധർണ നടത്തി
12:43 AM Mar 29, 2017 | Deepika.com
കോഴിക്കോട്: മാനാഞ്ചിറ -വെള്ളിമാടുകുന്ന് റോഡ് വികസിപ്പിക്കുന്പോൾ കുടിയൊഴിപ്പിക്കപ്പെടുന്ന കച്ചവടക്കാർക്കും തൊഴിലാളികൾക്കും ന്യായമായ നഷ്ടപരിഹാരം നൽകണമെന്നാവശ്യപ്പെട്ട് സംസ്ഥാന വ്യാപാരി വ്യവസായി സമിതി കളക്ടറേറ്റിനു മുന്നിൽ ധർണ നടത്തി. സംസ്ഥാന പ്രസിഡന്റ് വി.കെ.സി മമ്മദ്കോയ എംഎൽഎ ഉദ്ഘാടനം ചെയ്തു. നോർത്ത് മേഖലാ പ്രസിഡന്റ് എം.നാരായണൻ അധ്യക്ഷത വഹിച്ചു. പരമാവധി കടകൾ സംരക്ഷിക്കും വിധം ഭൂമി ഏറ്റെടുക്കുക, കടകൾ നഷ്ടപ്പെടുന്നവർക്ക് പകരം കെട്ടിടം നിർമിച്ച് നൽകുക, പുനരധിവാസ പാക്കേജ് വ്യക്തമായ കാഴ്ച്ചപ്പാടോടെ അവതരിപ്പിക്കുക തുടങ്ങിയ ആവശ്യങ്ങളാണ് വ്യാപാരികൾ ഉന്നയിക്കുന്നത്. കൗണ്സിലർമാരായ ടി.സി ബിജുരാജ്, പി.കിഷൻചന്ദ്, സമിതി ഭാരവാഹികളായ സി.കെ വിജയൻ, റഫീഖ്, ഗഫൂർ രാജധാനി, കെ.വി തൃബുദാസ് തുടങ്ങിയവർ പ്രസംഗിച്ചു.